მაშველებმა ბარისახოში ჩარჩენილი რუსთავის სკოლის მოსწავლეები გამოიყვანეს
ბარისახოდან მაშველებმა რუსთავის ერთ-ერთი საჯარო სკოლის მოსწავლეები გამოიყვანეს. როგორც საგანგებო სიტუაციების მართვის სააგენტოში განაცხადეს, ბარისახოდან მაშველებმა სკოლის 15 მოსწავლე და 4 მასწავლებელი გამოიყვანეს. როგორც საგანგებო სიტუაციების მართვის სააგენტოში აღნიშნავენ, მოსწავლეები უამინდობის გამო ბარისახოდან გამოსვლას ვერ ახეხებდნენ. მაშველებმა 19 ადამიანი უვნებლად ვერტმფრენით გამოიყვანეს.
"საგანგებო სიტუაციების მართვის სააგენტოს ჰქონდა ინფორმაცია მათი მდგომარეობის შესახებ. ადგილობრივი ხელისუფლებისა და ჩვენი ერთობლივი ძალისხმევით ისინი განთავსდნენ სასტუმროში, უზრუნველყოფილი იყვნენ საკვებით. დღეს კი მოხდა მათი გამოყვანა ვერტმფრენით", - აღნიშნეს საგანგებო სიტუაციების მართვის სააგენტოში.