აფგან მუხთარლი აზერბაიჯანში საქართველოს ელჩთან შეხვედრას ითხოვს
აზერბაიჯანელმა ჟურნალისტმა აფგან მუხთარლიმ აზერბაიჯანში საქართველოს ელჩთან თეიმურაზ შარაშენიძესთან შეხვედრა მოითხოვა. აღნიშნულის შესახებ "მეიდან ტვ" აფგან მუხთარლის ადვოკატზე, ელჩინ სადიგოვზე დაყრდნობით წერს.
როგორც "მეიდან ტვ"-ის აზერბაიჯანში საქართველოს საელჩოში განუცხადეს, ისინი ინფორმირებულნი არიან აღნიშნულ საკითხთან დაკავშირებით. საქართველოს საელჩოში ასევე აღნიშნეს, რომ თეიმურაზ შარაშენიძე რამდენიმე დღის წინ საქართველოში გაემგზავრა და მხოლოდ ერთ კვირაში დაბრუნდება.
"ბაქოში დაბრუნებისას ის კომენტარს გააკეთებს ჟურნალისტის მოთხოვნაზე", - აღნიშნეს აზერბაიჯანში საქართველოს საელჩოში.