მტკვარში 5 დღეა მამაკაცს ეძებენ, რომელიც მოკლეს და ცხედარი მდინარეში გადააგდეს
მაშველები 5 დღეა მდინარე მტკვარში ახალგაზრდა მამაკაცს ეძებენ. არსებული ინფორმაციით, მამაკაცი, რომელსაც საგანგებო სიტუაციების მართვის სააგენტოს თანამშრომლები ეძებენ, მოკლულია.
გავრცელებული ცნობით, მკვლელობა რამდენიმე დღის წინ, ეჭვიანობის ნიადაგზე მოხდა. როგორც შინაგან საქმეთა სამინისტროში განაცხადეს, მამაკაცი მოკლეს, რის შემდეგაც მისი ცხედარი მტკვარში გადააგდეს. მათივე განმარტებით, მკვლელობის ფაქტი უკვე გახსნილია და პოლიციამ ორი ადამიანი დააკავა.
შსს-ს ინფორმაციით, ერთი პირი "სისხლის სამართლის კოდექსის" 108-ე მუხლითაა დაკავებული, რაც განზრახ მკვლელობას გულისხმობს, მეორეს კი ბრალად დანაშაულის შეუტყობინებლობა ედება.