"ჩემს სტუდენტებს სწავლას დავუფინანსებ" - თსუ-ს ლექტორმა ჯეკპოტი მოიგო
საქართველოს ლატარიის კომპანიის გათამაშების გამარჯვებული თინათინ გიორგობიანი, რიგით მე-17 მოქალაქეა, რომელმაც ჯეკპოტი მოიგო. ამჯერად, ჯეკპოტის სახით 1 380 345 ლარი გათამაშდა. გამარჯვებული თბილისის სახელმწიფო უნივერსიტეტის პროფესორია და მოგებული თანხის ნაწილით, თავის რამდენიმე სტუდენტისთვის სწავლა დაუფინანსებას აპირებს.
"უნივერსიტეტში, სამი მაგისტრანტი მყავს, რომლებსაც დაფინანსება არ ააქვთ, პირველ რიგში იმათ დავაფინანსებ."- ამის შესახებ მან ტელეკომპანია "იმედის" ეთერში განაცხადა.
რაც შეეხება სხვა გეგმებს, გამარჯვებული ენათმეცნიერია. როგორც ის ამბობს, აქვს რამდენიმე ნაშრომი, რომელთა გამოქვეყნებასაც ელოდება. ამიტომ, თანხის ნაწილის დახარჯვას, სწორედ, სამეცნიერო საქმიანობისთვის გეგმავს.
იხილეთ ინგლისურენოვანი ვერსია: “I will finance my students” - Georgian lecturer wins jackpot