სასტუმროს ეზოში ავტობუსის შევარდნის შედეგად დაშავებული 18 მგზავრი საავადმყოფოებშია გადაყვანილი | Allnews.Ge

სასტუმროს ეზოში ავტობუსის შევარდნის შედეგად დაშავებული 18 მგზავრი საავადმყოფოებშია გადაყვანილი

ისანში, სასტუმრო "რიჩის" ეზოში, ავტობუსის შევარდნის შედეგად დაშავებულთა მდგომარეობა საშუალო სიმძიმისაა. ამის შესახებ სასწრაფო-სამედიცინო დახმარების სამსახურში განაცხადეს.

მათივე ინფორმაციით, ე.წ. არამიანცის ეზოში მდებარე სამედიცინო დაწესებულებებში სულ 18 პაციენტი გადაიყვანეს.

"სამედიცინო დაწესებულებებში გადაყვანილია 18 პაციენტი. მათ პოლიტრავმები და ზედაპირული ტრავმები აღენიშნებათ. შეგვიძლია ვთქვათ, რომ დაშავებულთა მდგომარეობაა საშუალო სიმძიმისაა. ზუსტ დიაგნოზს ექიმები დასვამენ, რომლებმაც პაციენტები ჩაიბარეს", - განმარტეს სასწრაფო დახმარების სამსახურში.

ისანში სასტუმრო "რიჩის" ეზოში სამგზავრო. ე.წ. ყვითელი ავტობუსი ცოტა ხნის წინ შევარდა.ავტობუსში დაახლოებით 20-მდე მგზავრი იმყოფებოდა.

როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე გამოძიება "სისხლის სამართლის კოდექსის" 276-ე მუხლის პირველი ნაწილით დაიწყო, რაც გულისხმობს სატრანსპორტო საშუალების ექსპლუატაციის ან უსაფრთხოების წესის დარღვევას, რამაც გამოიწვია ერთი ან რამდენიმე პირის სხეულის ან ჯანმრთელობის ჯანმრთელობის დაზიანება.

ამ დროისთვის არსებული ინფორმაციით, ავტობუსის მძღოლს ჩაეძინა.

myquiz