შორენა ბეგაშვილის შვილისთვის გუშინ ჩატარებული მორიგი ოპერაცია გართულებების გარეშე დასრულდა
მსახიობ შორენა ბეგაშვილის შვილისთვის გუშინ ჩატარებული 4 საათიანი ოპერაცია გართულებების გარეშე დასრულდა.
როგორც იაშვილის კლინიკის მიერ "ფეისბუქის" საკუთარ გვერდზე გავრცელებულ განცხადებაშია ნათქვამი, პაციენტი გადაყვანილია კრიტიკული მედიცინის დეპარტამენტში.
"იაშვილის კლინიკის ტრავმატოლოგთა გუნდის მიერ ჩატარებული 4 საათიანი ოპერაცია გართულებების გარეშე დასრულდა. პაციენტი გადაყვანილია კრიტიკული მედიცინის დეპარტამენტში", - ნათქვამია განცხადებაში.
შორენა ბეგაშვილის 14 წლის ქალიშვილი რამდენიმე დღის წინ საცხოვრებელი კორპუსის მე-5 სართულიდან გადმოვარდა. პაციენტი კლინიკაში მრავლობითი მოტეხილობებით შეიყვანეს. მას პირველი ოპერაცია 28 მარტს ჩაუტარდა.