რას ფიქრობდნენ ანტიკური პერიოდის ქალები სექსზე - წიგნი შოკისმომგვრელ ჩანაწერებს გვთავაზობს
-
ახალი წიგნი ანტიკური სამყაროს ქალების თვალით გვიამბობს მათ სექსუალობაზე, გრძნობებსა და გამოცდილებებზე.
-
სტატია აღწერს, თუ როგორ განიხილავდნენ ძველ საბერძნეთსა და რომში ქალები სექსუალურ ცხოვრებას.
-
წიგნი ასევე ავლენს უძველესი სექსუალური რჩევებს, რომლებსაც ქალები ერთმანეთს უზიარებდნენ.
ახალი წიგნი ქალების თვალით გვიამბობს ანტიკური სამყაროს ისტორიას. წიგნის ავტორი დეიზი დანი იკვლევს, თუ რას ამბობდნენ ძველად ქალები საკუთარ სექსუალობაზე.
ძვ. წ. VII საუკუნეში საბერძნეთში მცხოვრები პოეტის, სემონიდეს, თანახმად, ქალების 10 ძირითადი ტიპი არსებობს. ესენი არიან “ღორის მსგავსი“ ქალები, რადგან ისინი დალაგებას ჭამას ამჯობინებენ; “მელას მსგავსი“ ქალები მათი დაკვირვების უნარის გამო; “ვირის მსგავსი“ ქალები, რომლებიც მიდრეკილნი არიან სექსუალური გარყვნილებისკენ; და “ძაღლის მსგავსი“ ქალები - რომლებიც გამოირჩევიან თავიანთი ურჩი ბუნებით.
“ქარიშხლიანი ზღვის“ ქალები, ხარბი მიწის ქალები, ქურდული კვერნა ქალები, ზარმაცი ცხენოსანი ქალები, არამიმზიდველი მაიმუნი ქალები და - ერთადერთი კარგი ტიპი - შრომისმოყვარე ფუტკარი ქალები.
- ამ სიაში ე.წ. სექსუალურად გარყვნილი „ვირი ქალები“, ყველაზე ენიგმატურია.
ანტიკური სამყაროს ისტორიული ჩანაწერები, როგორც წესი, ქალების ცხოვრების განმარტოებულ ბუნებას ავლენს. საბერძნეთში ქალები, როგორც წესი, საჯაროდ ფარდებს ატარებდნენ, ხოლო რომში მათ ჰყავდათ „მეურვეები“ (როგორც წესი, მათი მამა ან ქმარი), რომლებიც აკონტროლებდნენ მათ გადაადგილებას და ქონების მართვას.
- მაშ, ვნებიანი ქალის გამოსახულება მხოლოდ მამაკაცური ფანტაზია იყო? თუ გვსურს ვიცოდეთ, რას ფიქრობდნენ ქალები სინამდვილეში სექსზე, წიგნს - „დაკარგული ძაფის“ ფურცლებს უნდა ჩავუღრმავდეთ.
ძვ.წ. VII საუკუნეში ბერძნულ კუნძულ ლესბოსზე საფო ლირიკულ პოეზიას ქმნიდა. კაცთან საუბრისას საფომ აღბეჭდა მის მიერ განცდილი ფიზიკური შეგრძნებები: გულის ფრიალი, ენაბლუობა, ძარღვებში სიცხე, დროებითი სიბრმავე, ყურებში შუილი, ცივი ოფლი, კანკალი, სიფერმკრთალე - ყველაფერი ეს ნაცნობია ყველასთვის, ვისაც კი ოდესმე განუცდია ვნება.
სხვა ლექსში საფო აღწერს თუ როგორ “იკმაყოფილებს მის სურვილს“ რბილ საწოლზე.
საფოს ლექსებში მეცნიერებმა აღმოაჩინეს მინიშნება „დილდოსზე“, რომელიც ბერძნულად ცნობილია როგორც ოლისბოი. საბერძნეთში ისინი გამოიყენებოდა ნაყოფიერების რიტუალებში, ასევე სიამოვნებისთვის და ამ რანგში გამოსახულია არაერთ ვაზაზე.
-
უძველესი სექსუალური რჩევები
ქალები საკუთარ აზრს სექსზე პაპირუსზე წერდნენ ხოლმე.
მაგალითად ბერძენი ფილოსოფოსი თეანო, თავის მეგობარ ევრიდიკეს უკვდავ რჩევას აძლევს. ის წერს, რომ ქალმა, რომელიც ქმართან წვება - “სირცხვილი ტანსაცმელთან ერთად უნდა მოიშოროს“. მას შეუძლია ორივე ჩაიცვას ადგომისთანავე.