აქამდე უცნობი, სასტიკი თავდასხმის ისტორია, რომლის მიხედვითაც საკულტო ფილმი “ყბები“ გადაიღეს - როგორ შეჭამა ზვიგენმა ღია 150 ადამიანი | Allnews.Ge

ამე­რი­კუ­ლი კრე­ი­სე­რის - USS Indianapolis-ის ჩა­ძირ­ვა ამე­რი­კის სა­ზღვაო ის­ტო­რი­ის ერთ-ერთ ყვე­ლა­ზე მო­მაკ­ვდი­ნე­ბელ კა­ტას­ტრო­ფად არის აღი­ა­რე­ბუ­ლი. ტრა­გე­დი­ის დროს მხო­ლოდ ზვი­გე­ნე­ბის თავ­დას­ხმას 150 ადა­მი­ა­ნი ემსხვერ­პლა.

კრე­ი­სე­რი წყნა­რი ოკე­ა­ნის გავ­ლით და­ნიშ­ნუ­ლე­ბის ად­გილ­ზე მი­ე­მარ­თე­ბო­და, რო­დე­საც ია­პო­ნუ­რი წყალ­ქვე­შა ნა­ვი­დან გაშ­ვე­ბუ­ლი ორი ტორ­პე­დოს აფეთ­ქე­ბამ ის რამ­დე­ნი­მე წუთ­ში ჩა­ძი­რა. ამ მოვ­ლე­ნამ აშშ-ს სა­ზღვაო ის­ტო­რი­ა­ში ერთ-ერთ ყვე­ლა­ზე ტრა­გი­კულ და სა­ში­ნელ ინ­ცი­დენტს და­უ­დო სა­ფუძ­ვე­ლი...

შემ­თხვე­ვა1945 წლის 30 ივ­ლისს, შუ­ა­ღა­მეს მოხ­და - ია­პო­ნუ­რი წყალ­ქვე­შა ნა­ვის პირ­ველ­მა ტორ­პე­დომ გემს მარ­ჯვე­ნა ბორ­ტი აუ­ფეთ­ქა, რამ­დე­ნი­მე წუთ­ში მე­ო­რე ტორ­პე­დო აფეთ­ქდა, რის შე­დე­გად 17 კვან­ძით მოძ­რა­ვი საბ­რძო­ლო ხო­მალ­დი შე­ირ­ყა, გა­და­ტყდა და სულ რა­ღაც 12 წუთ­ში წყნარ ოკე­ა­ნე­ში გა­უ­ჩი­ნარ­და.

გემ­ზე მყო­ფი 1,196 ადა­მი­ა­ნი­დან, და­ახ­ლო­ე­ბით 900 ცო­ცხა­ლი გა­დარ­ჩა და წყალ­ში გა­დახ­ტო­მა მო­ას­წრო, თუმ­ცა მათი კოშ­მა­რი მხო­ლოდ ახალ იწყე­ბო­და. გა­დარ­ჩე­ნი­ლე­ბი მზის ამოს­ვლი­სას პა­ტა­რა ჯგუ­ფე­ბად შე­იკ­რიბ­ნენ. მხო­ლოდ რამ­დე­ნი­მე ნავი ჰქონ­დათ, ბევ­რს მაშ­ვე­ლი ჟი­ლე­ტიც კი არ ეცვა. სტრეს­მა, მცხუნ­ვა­რე მზემ და წყურ­ვილ­მა ჰა­ლუ­ცი­ნა­ცი­ე­ბი გა­მო­იწ­ვია, მერე კი ზვი­გე­ნე­ბიც გა­მოჩ­ნდნენ.

ოკე­ა­ნის და­უნ­დო­ბე­ლი მტა­ცებ­ლე­ბი ჯერ და­ღუ­პუ­ლებს ეძ­გერ­ნენ, შემ­დეგ კი პირი ცო­ცხლე­ბის­კენ იბ­რუ­ნეს.

“ხან­და­ხან, თით­ქოს ელ­ვა­სა­ვით, ზვი­გე­ნი პირ­და­პირ წყლი­დან ამო­ვარ­დე­ბო­და, ადა­მი­ანს კბი­ლებ­ში მო­იქ­ცევ­და და ფსკე­რის­კენ ით­რევ­და. ჩემს გვერ­დით მყო­ფი მე­ზღვა­უ­რი წა­ი­ღო ასე, კარ­გა ხანს ჟღერ­და ჩემს გო­ნე­ბა­ში მისი ყვი­რი­ლი,“ -იხ­სე­ნებს მომ­ხდარს გა­დარ­ჩე­ნი­ლი ლოელ დინ კოქ­სი.

აფეთ­ქე­ბე­ბის ად­გილ­ზე უი­მე­დო­ბა სუ­ფევ­და. ცო­ცხლად გა­დარ­ჩე­ნი­ლებ­მა “ზგ­ვი­გე­ნე­ბის სა­და­რა­ჯო­ე­ბი“ მო­ა­წყვეს, წყალს სხვა­დას­ხვა საგ­ნებს ურტყამ­დნენ მტა­ცებ­ლე­ბის და­საფრ­თხო­ბად, ზოგ­ჯერ შვე­ლო­და, ზოგ­ჯერ არა..

მი­უ­ხე­და­ვად იმი­სა, რომ გემ­მა ჩა­ძირ­ვი­სას უბე­დუ­რე­ბის სიგ­ნა­ლი გაგ­ზავ­ნა მო­ას­წრო, ამის­თვის ყუ­რა­დღე­ბა არა­ვის მი­უქ­ცე­ვია. აშშ - ს სა­დაზ­ვერ­ვო სამ­სა­ხურ­მა ია­პო­ნუ­რი წყალ­ქვე­შა ნა­ვის მიერ, ამე­რი­კუ­ლი გე­მის ჩა­ძირ­ვის შე­სა­ხებ გაგ­ზავ­ნი­ლი აღტყი­ნე­ბუ­ლი შე­ტყო­ბი­ნე­ბა მო­ის­მი­ნა, მაგ­რამ ეს “დე­ზინ­ფორ­მა­ცი­ად“ ჩათ­ვა­ლეს და უგუ­ლე­ბელ­ყვეს.

არა­ვის შე­უმ­ჩნე­ვია, რომ Indianapolis -მა მიზ­ნამ­დე ვერ მი­აღ­წია. გა­დარ­ჩე­ნი­ლებს წარ­მოდ­გე­ნაც არ ჰქონ­დათ, რომ არა­ვინ ეძებ­და.

თუმ­ცა სი­ცხემ, წყურ­ვილ­მა და მა­რი­ლით მო­წამ­ვლამ უფრო მეტი ადა­მი­ა­ნი იმ­სხვერ­პლა, ვიდ­რე ზვი­გე­ნე­ბის თავ­დას­ხმამ. წყურ­ვი­ლით და­ტან­ჯუ­ლი მე­ზღვა­უ­რე­ბი ზღვის წყალს სვამ­დნენ, გო­ნე­ბას კარ­გავ­დნენ და წყალ­ში იძი­რე­ბოდ­ნენ, თან სხვებ­საც ით­რევ­დნენ.

“მაშ­ვე­ლი ჟი­ლე­ტე­ბი წყლით გა­იჟღინ­თა გა­დარ­ჩე­ნილს ზე­და­პირ­ზე ვე­ღარ აკა­ვებ­და “ბო­ლოს უკვე წყლის ზე­მოთ თით­ქმის სა­ხეც არა მი­ჩან­და“, - ამ­ბობ­და კოქ­სი.

გა­დარ­ჩე­ნი­ლე­ბი მხო­ლოდ მე­ო­თხე დღეს აღ­მო­ა­ჩი­ნეს სამ­ხედ­რო თვითმფრი­ნა­ვი­დან - ”წყალ­ში უამ­რა­ვი ადა­მი­ა­ნია...“ - გა­და­ი­ცა პირ­ვე­ლი რა­დი­ოგ­რა­მა.

ლე­ი­ტე­ნანტ ად­რი­ან მარკს­მა თვთმფრი­ნა­ვი­დან გა­სა­ბე­რი ნა­ვე­ბი გა­და­ყა­რა, რო­დე­საც და­ი­ნა­ხა რომ ზვი­გე­ნე­ბი ადა­მი­ა­ნებს ეს­ხმოდ­ნენ თავს, მკაც­რი ინ­სტრუქ­ცია და­არ­ღვია, თა­ვი­სი ჰიდ­როპ­ლა­ნი წყალ­ზე დას­ვა და ყვე­ლა­ზე და­უძ­ლუ­რე­ბუ­ლი მე­ზღვა­უ­რე­ბი თვითმფრი­ნა­ვის ბორტზე აიყ­ვა­ნა. იმა­ვე ღა­მეს ცო­ცხლად გა­დარ­ჩე­ნი­ლი USS Indianapolis-ის ეკი­პა­ჟი უკვე აშშ-ს ხო­მალ­დზე იყო, უსაფრ­თხოდ.

სულ Indianapolis - ის ჩა­ძირ­ვის დროს ცო­ცხლად დარ­ჩე­ნი­ლი 900 კა­ცი­დან მაშ­ვე­ლებ­მა მხო­ლოდ 316 გა­დარ­ჩე­ნა მო­ა­ხერ­ხეს.

ბე­დის ირო­ნი­ით მოგ­ვი­ა­ნე­ბით სა­ზღვაო ფლოტ­მა USS Indianapolis-ის გა­დარ­ჩე­ნი­ლი კა­პი­ტა­ნი ჩარლზ ბ. მაკ­ვეი გა­ა­სა­მარ­თლა და მას ტორ­პე­დოს ასა­რი­დე­ბე­ლი ე. წ. “ზიგ­ზა­გის“ მა­ნევ­რის არ შეს­რუ­ლე­ბა დას­დო ბრა­ლად. მოწ­მედ კი პრო­კუ­რო­რებ­მა იმ ია­პო­ნუ­რი წყალ­ქვე­შა ნა­ვის კა­პი­ტა­ნი გა­მო­ი­ძა­ხეს, რო­მელ­მაც “Indianapolis“ -ი ჩა­ძი­რა.

USS Indianapolis-ის ნამ­სხვრე­ვე­ბი 2017 წელს აღ­მო­ა­ჩი­ნეს - წყლის ზე­და­პი­რი­დან 3 მილ­ზე მეტი სიღ­რმე­ზე. ის დღემ­დე ხე­ლუხ­ლებ­ლად რჩე­ბა, რო­გორც ასე­უ­ლო­ბით მე­ზღვა­უ­რის სა­მა­რე და მო­გო­ნე­ბა იმ სა­ში­ნელ ტრა­გე­დი­ა­ზე, რო­მე­ლიც წყნა­რი ოკე­ა­ნის წყლებ­ში დატ­რი­ალ­და.