რა თანხას გამოიმუშავებს ნინა დრამა წლიურად და როგორ ცხოვრობს ცნობილი ინფლუენსერი?
„ახლა ძალიან მენატრება ჩემი ულამაზესი საქართველო! დიდი მადლობა ჩემს ქართველ ძმებსა და დებს სიყვარულისთვის. ყველანი მენატრებით და მოუთმენლად ველი დაბრუნებას! მადლობა მერაბ დვალიშვილს, რომ საოცარი მეგობარი ხარ და შენი კულტურა მაჩვენე! ამ გამოცდილებას არასდროს დავივიწყებ. საქართველო ყოველთვის ჩემს გულში იქნება“,- წერს ნინა დრამა საქართველოში ვიზიტის შემდეგ.
სოციალურ ქსელში არაერთი ვიდეომასალა გავრცელდა, სადაც ის საქართველოთი და ქართველი ხალხით არის აღფრთოვანებული.
ვინ არის ნინა დრამა?
ნინა მარი დანიელი ამერიკელი მოდელი, სოციალური მედიის ინფლუენსერი და კონტენტის შემქმნელია. იგი დაიბადა 1988 წლის 27 დეკემბერს, ნიუ-იორკში.
ნინამ კოლეჯში ისწავლა კრეატიული წერა. მოდელობა დაიწყო 2011 წელს და 2017 წლის აპრილში გახდა Playboy-ის მოდელი. ამჟამად, ნინა ცხოვრობს კალიფორნიაში და აქტიურად ქმნის კომედიურ ვიდეოებს სოციალური ქსელებისთვის, განსაკუთრებით TikTok-ზე და Instagram-ზე აქტიურობს, სადაც მას მილიონობით გამომწერი ჰყავს.
ნინას პარტნიორია ჟანელ კასტილიო, კრეატიული დირექტორი, მოდელი და ფოტოგრაფია. წყვილი 2010 წლიდან ხვდება. თუმცა ისინი ჯერ არც დანიშნულები არიან და არც დაქორწინებულები.
რა თანხას გამოიმუშავებს ნინა წლიურად?
ცნობილი უცხოური გამოცემა sportskeeda “ნინა დრამას” ანაზღაურების შესახებ წერს, თუ რამდენს გამოიმუშავებს წლიურად ამერიკელი ინფლუენსერი და ჟურნალისტი.
“ნინა სხვადასხვა რეკლამებით გამოიმუშავებს თანხას, რომელსაც ინსტაგრამიდან და ტიკ-ტოკიდან იღებს. ნინას ასევე აქვს პოპულარული Youtube არხი, საიდანაც ასევე სხვადასხვა სახის რეკლამებით გამოიმუშავებს თანხას. ამას ასევე ემატება UFC-სთან გაფორმებული კონტრაქტი, სადაც ნინა ჟურნალისტად მუშაობს. ნინას ასევე აქვს თავისი ბიკინის ხაზი, რაც დამატებითი შემოსავალია მისთვის. გასულ წელს მისმა შემოსავალმა დაახლოებით 800 000/1 000 000 შეადგინა.” – წერს გვერდი.
