ახალგაზრდა დედამ ქირის გადახდას ასეთი სახლის აშენება არჩია
მინიმალიზმსა და მდგრადობაზე გადასვლა ყოველთვის იდეოლოგიური მიზეზების გამო როდი ხდება. უმეტესობა უბრალოდ რთულ ცხოვრებისეულ სიტუაციებში ხვდება, ფაქტიურად ქუჩაში რჩება. ზუსტად ასე დაემართა კეტს, რომელსაც უთხრეს, რომ ნაქირავები ბინა, სადაც ქალიშვილთან ერთად ცხოვრობდა, გაყიდეს და უახლოეს მომავალში თავშესაფარი უნდა ეპოვა.
ავსტრალიის ერთ-ერთ უდიდეს ქალაქში მცხოვრები კეტი ვერასოდეს წარმოიდგენდა, რომ აღმოჩნდებოდა ისეთ სიტუაციაში, როცა არჩევანის გაკეთება მოუწევდა ქუჩაში ცხოვრებასა და პატარა სახლის აშენებას შორის. ეს მოხდა გამქირავებლის გამო, რომელმაც გაყიდა ბინა, სადაც ქალი პატარა ქალიშვილთან ერთად ცხოვრობდა. ახალგაზრდა დედას, რა თქმა უნდა, მიეცა დრო, რომ მოეძიებინა შესაფერისი საცხოვრებელი, მაგრამ კეტმა გადაწყვიტა, რომ აღარასდროს იქირავებდა სახლს, იგი უბრალოდ პატარა სახლს აიშენებდა.
საკუთარი პრობლემის გახმოვანების შემდეგ, ქუინსლენდში მცხოვრებმა მეგობრებმა შესთავაზეს მათთან ცხოვრება, სანამ მშენებლობა მიმდინარეობდა, რადგან საცხოვრებლის მოსაძებნად დათმობილი ორი თვე ძალიან ცოტა დრო იყო გეგმის განსახორციელებლად. კეტმა უყოყმანოდ დატოვა ქალაქის ცხოვრება და მაშინვე დაიწყო საკუთარი სახლის დიზაინზე ფიქრი.
