იცით, რომელია ყველაზე სწრაფი ცხოველი დედამიწაზე?
იცით, რომელი ცხოველია დედამიწაზე ყველაზე სწრაფი? როგორც წესი, გავრცელებული წარმოდგენის თანამხმად ყველაზე სწრაფი ცხოველები ძუძუმწევრებს შორის კატისებრები არიან. თუმცა, არიან სხვა ცოცხალი არსებებიც, რომლებსაც მათზე მეტი სიჩქარის განვითარებაც შეუძლიათ.
დედამიწის ყველაზე სწრაფ არსებებს შორის ფრინველები არიან. მე-2 ადგილს მთის არწივი იკავებს.
მთის არწივი
დიახ, ეს ფრინველი დედამიწის გრავიტაციას იყენებს და სწორედ ამიტომ 290კმ/სთ-ს აღწევს. სისწრაფესთან ერთად მთის არწივი ერთ-ერთი ყველაზე დიდი და სასტიკი მტაცებელი ფრინველია.
შავარდენი
გინესის მსოფლიო რეკორდების წიგნის მიხედვით, ყველაზე დიდი სიჩქარე, რომელიც ოდესმე დაფიქსირებულა ცოცხალი არსების მიერ, 1999 წელს შავარდენს ეკუთნის. ვერტიკალური ფრენისას შავარდენმა 320კმ/სთ განავითარა. თუმცა, არის კვლევები, რომლის მიხედვითაც შავარდენს 389კმ/სთ-ის განვითარებაც შეუძლია.