ყველაზე ახალგაზრდა უმდიდრესი ქალი ისტორიაში- რა ქონებას ფლობს ტეილორ სვიფტი ახლა?
ტეილორ სვიფტის უამრავ რეკორდს კიდევ ახალი დაემატა — თანამედროვეობის ერთ-ერთი ყველაზე პოპულარული მუსიკოსი მილიარდერი გახდა. Bloomberg-ის მიხედვით, სვიფტის ქონების ღირებულება $1,1 მილიარდს შეადგენს.
ექსპერტები სვიფტს შესანიშნავ შემსრულებელთან და მუსიკოსთან ერთად, "ეკონომიკურ ფენომენსაც" უწოდებენ — ტეილორის ტურნემ, The Eras Tour-მა, ამ ზაფხულს აშშ-ის ეკონომიკის ზრდა გამოიწვია; მხოლოდ ჩრდილოეთ ამერიკაში კონცერტის ბილეთების გაყიდვებით შემოსულმა თანხამ $2,2 მილიარდს მიაღწია.
Eras 33 წლის პოპ მომღერლის ყველაზე ვრცელი ტურნეა, რომელიც მოიცავს 140-ზე მეტ კონცერტს ხუთ კონტინენტზე (ტურნე დაიწყო 2023 წლის მარტში და გაგრძელდება 2024 წლის ნოემბრამდე).
ტეილორ სვიფტი არტისტების იმ მცირე რიცხვში შედის, რომლებმაც მილიარდერის სტატუსს მხოლოდ მუსიკალურ ინდუსტრიაში ყოფნით მიაღწია.