რამბუტანი, კივანო, მანგოსტინი - ათი უჩვეულო ხილი მსოფლიოში, რომელიც სულ უფრო პოპულარული ხდება
ბუნებაში საკმაოდ ბევრი უჩვეულო ეგზოტიკური ხილი არსებობს, მათგან ზოგიერთი საშიშიც კი არის იმ შემთხვევაში, თუ გამოყენების წესებს არ დავიცავთ.
ის, რაც ეგზოტიკურად ითვლება, შეიძლება განსხვავდებოდეს რეგიონისა და კულტურის მიხედვით. მაგალითად, ხილი, რომელიც ერთ ქვეყანაში ეგზოტიკურად ითვლება, შეიძლება იყოს ჩვეულებრივი ყოველდღიური საკვები მეორეში. კლიმატის ცვლილებასთან და გლობალური ვაჭრობის განვითარებასთან ერთად, ეს წარმოდგენებიც იცვლება. მაგალითად, ცენტრალური აზიის ქვეყნებში ბანანი კვლავ ეგზოტიკურ ხილად ითვლება, მაგრამ უკვე ერთ-ერთი ყველაზე ხშირად და ფართოდ მოხმარებადი ხილია.
გთავაზობთ ეგზოტიკური ხილის ტოპ-10-ეულს, რომელთა შესახებ ბევრმა ჯერ კიდევ არაფერი იცის:
დურიანი
აზიის ქვეყნებში, სადაც დურიანი იზრდება, ეს ხილი მოკლედ ასე არის აღწერილი: "გარეთ ჯოჯოხეთი, შიგნით სამოთხე", მაგრამ ჩინელები უბრალოდ აღმერთებენ მას - ისინი ყოველწლიურად მილიარდობით დოლარს ხარჯავენ დურიანის იმპორტში. ამ ხილის სამშობლო სამხრეთ-აღმოსავლეთ აზიაა, სადაც ის ადგილობრივი სამზარეულოს შეუცვლელი პროდუქტია.
რამბუტანი
სახელწოდება "რამბუტანი" მომდინარეობს მალაიზიურ-ინდონეზიური სიტყვიდან, რაც ნიშნავს "თმას". რამბუტანის შიგნით რბილობი თეთრია და იჭმევა. ბევრი მას მჟავე ყურძენს ადარებს. რამბუტანის ნაყოფი მდიდარია C, B1 და B2 ვიტამინებით, ასევე კალციუმით, ფოსფორით, მაგნიუმითა და რკინით.
ჩალას ხის ნაყოფი
ასევე ცნობილია, როგორც ხრახნიანი ფიჭვის ნაყოფი: ეს ნაყოფი უცნაურად ითვლება მისი ეკლიანი ვიზუალის და ტკბილი, წვნიანი შიგთავსის გამო. იგი ასევე ჰავაის ტრადიციულ მედიცინაში გამოიყენება.
კივანო
ეს ხილი ასევე უცნაურად ითვლება მისი ფორთოხლისფერი ზედაპირისა და მწვანე, ჟელეს მსგავსი შიგთავსის გამო. მას ერთდროულად ტკბილი და მჟავე არომატი აქვს და მდიდარია ვიტამინებითა და მინერალებით. იხილეთ სრულად