,სერ" და ,,მისტერ" (Sir Mr.) - იცით, რა განსხვავებაა ამ ორ წოდებას შორის და რატომ არ შეიძლება მათი არევა?
ალბათ, მოგსმენიათ, როგორ მიმართავენ ფილმებში თავაზიანად ხალხს სიტყვებით „სერ“ და „მისტერ“. და მიუხედავად იმისა, რომ ამ სიტყვებს მსგავსი მნიშვნელობა აქვთ, მათი გამოყენება ყოველთვის არ იქნება თანაბრად შესაბამისი. მაგალითად, თქვენ არ შეგიძლიათ იკითხოთ: „მისტერ, შეგიძლიათ მითხრათ, სად მდებარეობს ბიგ ბენი?“, შეგიძლიათ იგივე თხოვნით მიმართოთ უცნობს სიტყვით „სერ“.
თანამედროვე სიტყვა "მისტერი" მომდინარეობს ძველი ფრანგულიდან "maistre" და ეს, თავის მხრივ, ძველი ინგლისურიდან "mægester", რაც ნიშნავს "უფროსს" ან "მთავარს". ადრე ასე მიმართავდნენ ადამიანებს, რომლებსაც ჰქონდათ მნიშვნელოვანი სტატუსი საზოგადოებაში, ფლობდნენ ქონებას, მიწას ან მონებს.
დროთა განმავლობაში ფეოდალური ურთიერთობები დაინგრა და სიტყვა „მისტერმა“ დაკარგა ყოფილი არსი. ამის შემდეგ მიმართავდნენ ამ სიტყვით არა მხოლოდ მდიდრებს და უფროსებს, არამედ ზოგადად ყველა მამაკაცს.
სიტყვა "სერ" მომდინარეობს ძველი ფრანგულიდან "sieur", რაც ნიშნავს "ბატონს". ერთ დროს ამ სიტყვის გამოყენებით, ხანდაზმულ, პატივცემულ ადამიანს ან მამას მიმართავდნენ და, როგორც წესი, ერთსა და იმავე ფენაში. თუმცა დროთა განმავლობაში სიტყვამ სხვა ფერი შეიძინა. ასე დაიწყეს მიმართვა დიდგვაროვან ადამიანებზე, რომლებსაც აქვთ მაღალი სახელმწიფო თანამდებობა ან რაინდის წოდება აქვთ. სიტყვა "სირ", რომელიც იგივე "sieur"-დან მოვიდა, გამოიყენებოდა მონარქებთან მიმართებაში. თუმცა მე-20 საუკუნეში სიტყვა „სერ“-მა სხვა მნიშვნელობა მიიღო. ასე დაიწყეს არამარტო ტიტულოვანი პირების მიმართვა, არამედ უბრალოდ უცნობების მიმართ პატივისცემის გამოხატვის მიზნითაც ამბობდნენ.
ამრიგად, თუ სურთ მიმართონ უცნობს, მიზანშეწონილი იქნება სიტყვა "სერ"-ის გამოყენება, რადგან არ შეგიძლიათ თქვათ "მისტერ" - ამისათვის თქვენ უნდა იცოდეთ ადამიანის სახელი. მაგალითად, სწორი იქნებოდა: „სერ, თქვენ ცხვირსახოცი დაგივარდათ“. სიტყვა „მისტერ“ ამ კონტექსტში არ გამოიყენება.
არის კიდევ ერთი შემთხვევა, როცა სიტყვის „სერ“ გამოყენება ტიტულოვან ადამიანთან კომუნიკაციისას საწიროა. მაგალითად, თუ თქვენ ხართ ენტონი ჰოპკინსის ფანი და ერთ დღეს გსურთ მისი ავტოგრაფის აღება, მიზანშეწონილი იქნება თქვათ: „სერ ენტონი“, რადგან მსახიობი რაინდის ტიტულს ატარებს.
თუ თქვენ მიმართავთ ინგლისელ მეგობარს, სწორი იქნება სიტყვა „მისტერ“ სახელის (მისტერ ჯონ) ან გვარის (მისტერ ადამსი) პრეფიქსით. სიტყვა „სერ“ გამოიყენება სახელთან ერთად. (სერ ენტონი) ან სრული სახელი (სერ ფილიპ ენტონი ჰოპკინსი), მაგრამ უბრალოდ რომ თქვათ "სერ ჰოპკინსი" არასწორი იქნება.