შავკანიანი დედოფალი კლეოპატრა - Netflix-ის სერიალის სკანდალური დეტალები: კომპანიას "ეგვიპტური იდენტობის წაშლას" ედავებიან
Netflix-ის დოკუმენტური სერიალი, რომელშიც დედოფალი კლეოპატრა VII აფრიკელ შავკანიან ქალადაა წარმოდგენილი, ეგვიპტეში კრიტიკის საგანი გახდა.
ადვოკატმა მაჰმუდ ალ-სემარი "ნეტფლიქსს" უჩივის და სერიალის, სახელად African Queens: Queen Cleopatra-ს შემქმნელებს სტანდარტების დარღვევას, ასევე "ეგვიპტური იდენტობის წაშლას" ედავება.
არქეოლოგთა და მკვლევართა ნაწილი ამბობს, რომ კლეოპატრას ღია ფერის კანი ჰქონდა, თუმცა ამ აზრს არ ეთანხმება სერიალის პროდიუსერი და ამბობს, რომ საკამათოა, თუ როგორი იყო კლეოპატრას კანის ფერი.
უამრავი შეურაცხმყოფელი და რასისტული შინაარსის მქონე წერილები, კომენტარები მიიღო კლეოპატრას როლის შემსრულებელმა, მსახიობმა ადელ ჯეიმსმა, რომელმაც კრიტიკოსებს ასე უპასუხა: "თუ შერჩეული მსახიობები არ მოგწონთ, შოუს არ უყუროთ".
სერიალის პროდიუსერი უილ სმიტის მეუღლე, ჯეიდა პინკეტ სმიტია. ის ამბობს, რომ საზოგადოება ფერადკანიანი დედოფლების შესახებ იშვიათად საუბრობს. იხილეთ სრულად