ჯეკ ტეიშეირა: რა არის ცნობილი 21 წლის ბიჭზე, რომელსაც პენტაგონიდან საიდუმლო დოკუმენტების გავრცელებას ედავებიან
პენტაგონიდან საიდუმლო დოკუმენტების გაჟონვის საქმეში ეჭვმიტანილად ამერიკელმა სამართალდამცველებმა აშშ-ის საჰაერო ეროვნული გვარდიის წევრი, 21 წლის ჯეკ დუგლას ტეიშეირა დაასახელეს.
როგორც მედია წერს, ტეიშეირამ საიდუმლო დოკუმენტები სოციალურ ქსელ "დისკორდის" ჩათში გაავრცელა.ტეიშეირამ, რომელსაც სამართალდამცველები ჯაშუშობას ედავებიან, საშუალო სკოლა 2020 წელს, მასაჩუსეთში, მშობლიურ ქალაქ დაიტონში დაამთავრა. სკოლის დამთავრების შემდეგ, მასაჩუსეთსის საჰაერო ეროვნულ გვარდიაში ჩაირიცხა და 102-ე დაზვერვის ფრთას შეუერთდა.
გასული წლის ივლისში ჯეკმა საჰაერო მებრძოლის პირველი კლასის წოდება მიიღო. შემდეგ ოტისის საჰაერო ეროვნული გვარდიის ბაზაზე გაუშვეს. მისი სამსახურებრივი ჩანაწერების მიხედვით, ტეიშეირას ოფიციალური წოდება კიბერსისტემების მუშაკი იყო. საჰაერო ძალების ოფიციალურ ვებსაიტზე აღნიშნულია, რომ ამ თანამდებობაზე მომუშავე პერსონალი საჰაერო ძალების გლობალური საკომუნიკაციო ქსელის მუშაობაზეა პასუხისმგებელი.
გავრცელებული ინფორმაციით, ჯეკ ტეიშეირას ოჯახს სამხედრო მსახურების ხანგრძლივი ისტორია აქვს. Washington Post-ის ცნობით, მისი მამინაცვალი 34-წლიანი სამხედრო სამსახურის შემდეგ გავიდა პენსიაზე. ბოლოს ის 102-ე დაზვერვის ფრთის მთავარი სერჟანტი იყო ( იგივე ფრთა, რომელშიც ტეიშეირა მუშაობდა). რაც შეეხება ჯეკის დედას, მუშაობდა ორგანიზაციაში, რომელიც ვეტერანთა საჭიროებებზე იყო კონცენტრირებული.
როგორ და რატომ გაავრცელა ტეიეშეირამ საიდუმლო ფაილები? ტეიშეირა სოციალურ ქსელ "დისკორდზე" პოპულარობით სარგებლობდა. მან შექმნა ჩათი, სადაც შესვლა მხოლოდ მიწვევით იყო შესაძლებელი. ჩათრუმის, სახელად Thug Shaker Central-ის წევრები 30-მდე ახალგაზრდა მამაკაცი იყო, სხვადასხვა ქვეყნიდან.
Washington Post-ი იტყობინება, რომ ჯგუფის წევრები ერთმანეთს სახალისო ფოტოებს უზიარებდნენ, შეურაცხმყოფელ და რასისტულ ხუმრობებს ამბობდნენ, უყურებდნენ ფილმებს და ერთად ლოცულობდნენ.
ჯგუფის ერთ-ერთმა წევრმა ტეიშეირა ქარიზმატულ და იარაღებით გატაცებულ ახალგაზრდად დაახასიათა. ჯგუფის წევრთა თქმით, ის მუდმივად ცდილობდა, რომ დანარჩენებზე შთაბეჭდილება მოეხდინა.
"ის იყო კაცი, მითი და ის იყო ლეგენდა. ყველა პატივს სცემდა", - აცხადებს პრესასთან ერთ-ერთი ახალგაზრდა. იხილეთ სრულად