5 ფასდაუდებელი რამ, რაც ადამიანის სისულელის და დაუდევრობის გამო განადგურდა
ალბათ გყავთ ნაცნობები და მეგობრები, რომლებიც შემთხვევით ყველაფერს აზიანებენ, მაგრამ ჭიქის გატეხვა ან თოვლივით თეთრი სუფრის გაფუჭება არ არის ისეთი ცუდი, როგორც 200 წლის წინანდელი სკამის განადგურება, რომელზეც თავად ნაპოლეონი იჯდა, ან მეტიც, უძველესი მაიას სალოცავის განადგურება.
1. მე-18 საუკუნეში მეუფე ფრენსის გასტრელი დასახლდა სახლში, სადაც შექსპირი ცხოვრობდა. მომლოცველთა ბრბო ყოველდღე იკრიბებოდა სახლთან დიდი ინგლისელი დრამატურგის ხსოვნის პატივსაცემად. და ამ ადგილას მთავარი მიმზიდველობა იყო თუთის ხე, რომელიც მან პირადად დარგო იმ ადგილზე. დაუპატიჟებელი სტუმრები გასტრელს ისე მობეზრდა, რომ ხე მოჭრა. ქალაქის მაცხოვრებლები აღშფოთდნენ ამ ქმედებით და გააძევეს ის, ასევე ქონების გადასახადის გადახდაც მოსთხოვეს. რა თქმა უნდა, ასეთი ვითარება არ აწყობდა მეუფეს, ამიტომ გადაწყვიტა შური ეძია მეზობლებზე და მიწასთან გაასწორა შექსპირის ყოფილი სახლი.
2. 2012 წელს, ბორდოს მახლობლად, მევენახეობის პატარა სოფელ ივრაკში, შემთხვევით განადგურდა მე-18 საუკუნის ბელვიუს ულამაზესი ციხე, რომელიც რუსმა ბიზნესმენმა დიმიტრი სტროსკინმა იყიდა. მეწარმემ პოლონურ სამშენებლო კომპანიას შატოს რეკონსტრუქცია უბრძანა, კერძოდ, ერთი მცირე მიშენების დანგრევა, რომელსაც არავითარი ესთეტიკური ღირებულება არ გააჩნდა და მხოლოდ ციხის იერსახეს აფუჭებდა. როდესაც სტრასკინი მივლინებიდან დაბრუნდა, ბედის ირონიით, ძველი ციხისგან აღარაფერი დარჩა, გარდა... იმავე მიშენებისა. ბიზნესმენმა დაიფიცა, რომ ეს მის გეგმებში არ შედიოდა და შენობის დამოუკიდებლად აღდგენასაც კი დაჰპირდა. თუმცა ხელისუფლება იმდენად გაბრაზდა, რომ სტრასკინის წინააღმდეგ სასამართლო პროცესი დაიწყო. შედეგად, რუსს მიესაჯა პირობითი პატიმრობა და დიდი ჯარიმა.
3. 2014 წელს საფრანგეთის მუზეუმში საშინელი გაუგებრობა მოხდა, რომელიც თითქმის საფრთხეს უქმნიდა 200 წლის წინანდელი რელიქვიის მთლიანობას. დაღლილმა მცველმა დასვენება გადაწყვიტა და პირველ სკამზე დაჯდა, რომელსაც წააწყდა – ეს ნაპოლეონის საბანაკე სკამი იყო, რომელმაც დატვირთვას ვერ გაუძლო და გაიბზარა. საბედნიეროდ, სკამი აღდგენილია, მაგრამ ჩვენ შეგვიძლია წარმოვიდგინოთ, რა ემოციების სპექტრი განიცადა საწყალ მცველმა, როცა ზემდგომებს მოუყვა მომხდარის შესახებ!
4. უინსტონ ჩერჩილს სძულდა მისი 80 წლის დაბადების დღეზე დახატული ოფიციალური პორტრეტი, ამიტომ ინახავდა ღვინის სარდაფში და არასდროს არავის უჩვენებდა. დიდი ბრიტანეთის პრემიერ-მინისტრის გარდაცვალების შემდეგ მისმა ქვრივმა მდივანს ნახატის სახლში ჩამოკიდება უბრძანა, შემდეგ კი უკანა ეზოში წაიღო და დაწვა.
5. 2012 წელს როტერდამის სამხატვრო გალერეიდან ერთდროულად მოიპარეს დიდი მხატვრების - პაბლო პიკასოს, კლოდ მონეს და ანრი მატისის შვიდი ნახატი. ნახატების ქურდებმა მათთვის მყიდველები ვერ იპოვეს, ამიტომ ბანდის მეთაურმა ისინი დედას გადასცა და მან მიწაში დამარხა სასაფლაოზე, სახლის მახლობლად. როდესაც პოლიციამ დანაშაულის შესახებ გაიგო და ჯგუფის ყველა წევრი დააკავეს, ქალმა ნახატები სახლში მიიტანა და ღუმელში დაწვა.