"პრინცესა" ჩრდილოეთ კორეიდან- დიქტატორი ბალისტიკური რაკეტის გაშვებისას ქალიშვილთან ერთად მივიდა და ის მსოფლიოს გააცნო
ჩრდილოეთ კორეის ლიდერმა, კიმ ჩენ ინმა მსოფლიოს თავისი ქალიშვილი წარუდგინდა. დიქტატორი პირველად გამონდა შვილთან ერთად და ამით დაადასტურა დიდი ხნის წინ გავრცელებული ინფორმაცია გოგონას არსებობის შესახებ.
არსებული ცნობით, გოგონას კიმ ჩუ აე ჰქვია და ის დაახლოებით, 12-13 წლის არის. კიმი ქალიშვილთან ერთად საკონტინენტთაშორისო ბალისტიკური რაკეტის გაშვებისთვის თვალის მისადევნებლად მივიდა. მას თან ახლდა მეუღლე, რი სოლ ჯუ.
ჩრდილოეთ კორეის სახელმწიფო საინფორმაციო სააგენტომ რამდენიმე ფოტო გამოაქვეყნა. ერთ-ერთ ფოტოზე აღბეჭდილია ხელიხელჩაკიდებული მამა-შვილი, რომლებიც რაკეტის გაშვებაზე დასაკვირვებლად მიემართებიან.
კიმ ჩენ ინის ქალიშვილის გამოჩენამ ამ ქვეყნის საკითხზე მომუშავე ანალიტიკოსები ბალისტიკური რაკეტის გაშვებაზე მეტად დააინტერესა, რადგან ეს შესაძლოა, ბევრს ამბობდეს დიქტატორული რეჟიმის მომავალზე და ბირთვული იარაღის პროგრამაზე. "ნიშნავს თუ არა ეს იმას, რომ გოგონა აირჩიეს კიმ ჩენ ინის მემკვიდრედ და ერთ მშვენიერ დღეს შესაძლოა, სწორედ მან მართოს ჩრდილოეთ კორეა? სავსებით შესაძლებელია.
ჩრდილოეთ კორეას საოჯახო დინასტია მართავს და დიქტატორის გამოჩენა შვილთან ერთად, ჩრდილოეთ კოერეისთვის უმნიშვნელავანეს დღეს, შესაძლოა, მიანიშნებდეს, რომ კიმს სურს, მომავალში მართვის სადავეები ხელში მისმა ქალიშვილმა აიღოს", - წერს BBC-ი. განაგრძეთ კითხვა