15 პროდუქტი, რომელთა მაცივარში შენახვა არ შეიძლება
1. მთლიანი ნესვი და საზამთრო
ისინი მაცივარში დიდ ადგილს იკავებენ და გაცივება აჩერებს დამწიფების პროცესს, რაც მათ გემოსა და არომატზე ცუდად მოქმედებს. ამას გარდა, დაბალ ტემპერატურაზე ნესვსა და საზამთროში იშლება ადამიანის ორგანიზმისათვის სასარგებლო ორგანული ნივთიერებები - ანტიოქსიდანტები.
გაჭრილი, დარჩენილი ნაწილები შეიძლება შევინახოთ მაცივარში დახურულ კონტეინერში არა უმეტეს 3 დღისა.
2. კარტოფილი
დაბალ ტემპერატურაზე, სახამებელში, რომლითაც მდიდარია კარტოფილი მიმდინარეობს ქიმიური ცლვილებები, რომლის შედეგად, მომზადებული კარტოფილი იძენს მოტკბო გემოს. ამის თავიდან ასაცილებლად კარტოფილი უნდა შევინახოთ კალათაში ან ყუთით და მოვარიდოთ მზის პირდაპირ სხივებს.
3. თაფლი
შაქრის მაღალი შემცველობის გამო, თაფლი ოთახის ტემპერატურაზე არ ფუჭდება. ამიტომ არ არის მისი მაცივარში შენახვის აუცილებლობა. გაცივებისას თაფლი მაგრდება და კრისტალდება.
4. ყავა
მაცივარი ყავას უკარგავს არომატსა და გემოს. ასევე შეიძლება აიღოს სხვა პროდუქტების სუნიც. უმჯობესია ყავის ოთახის ტემპეატტურაზე, ჰერმეტულად თავდახურულ ქილაში შენახვა.
5. პომიდორი
სიცივე აუარესებს პომიდვრის გემოს და ამუხრუჭებს დამწიფების პროცესს.
6. კიტრი
ასევე მგრძნობიარეა სიცივის მიმართ და გაცილებით უკეთ გრძნობს თავს ოთახის ტემპერატურაზე.