ქალები, რომლებმაც განსაკუთრებული წვლილი შეიტანეს ისტორიაში, მაგრამ დაუმსახურებლად დაივიწყეს
ისე მოხდა, რომ პოლიტიკაში, მეცნიერებასა და საზოგადოებრივ ცხოვრებაში წამყვანი როლები კაცებს უკავიათ. საუკუნეთა მანძილზე ეს მაშინ ხდებოდა, როდესაც ქალები ზრუნავდნენ სახლის კომფორტის შექმნაზე, ბავშვების აღზრდაზე და სამზარეულოზე. დღევანდელ სტატიაში გიამბობთ ქალებზე, რომელბმაც მნიშვნელოვანი წვლილი შეიტანეს ისტორიაში, მაგრამ ამისდა მიუხედავად, ცოტამ თუ იცის მათი სახელები:
ჟანა ბარე- ბოტანიკოსი, მკვლევარი, მოგზაური
ბოტანიკოსი და მკვლევარი ჟანა ბარე იყო პირველი ქალი, რომელმაც შემოუარა მსოფლიოს. 1766 წელს 26 წლის ფრანგი ქალი დაიქირავეს გემზე, როგორც ცნობილი ფრანგი ბოტანიკოსის ფილიბერ კომერსონის მსახური (სინამდვილეში მისი საყვარელი იყო). გემზე მოსახვედრად მან მამაკაცის ტანსაცმელი მოირგო. ამგვარად, იმოგზაურა მთელს მსოფლიოში, აგროვებდა და სწავლობდა მცენარეთა ნიმუშებს ფილიბერტ კომერსონთან ერთად. მისი ნამდვილი სქესი უკვე გამოვლინდა სამხრეთ წყნარ ოკეანეში, რის შემდეგაც ის და კომერსონი კუნძულ მავრიკზე გადავიდნენ. ბარე საფრანგეთში მხოლოდ ათი წლის შემდეგ დაბრუნდა, მაგრამ სამშობლოში მთავრობამ დააჯილდოვა ბოტანიკაში შეტანილი წვლილისთვის.
საიდა-ალ ჰურა-ქალაქ ტეტუანის დედოფალი
მე-16 საუკუნის ცნობილი ისლამური "ხმელთაშუა ზღვის დიდებული" საიდა ალ-ჰურა იყო ჩრდილოეთ მაროკოს ქალაქ ტეტუანის დედოფალი და ლეგენდარული მეკობრე, რომელიც შიშის ზარს სცემა დასავლეთ ხმელთაშუა ზღვის დიდ ნაწილს. მიუხედავად იმისა, რომ მისი ნამდვილი სახელი უცნობია, საიდ ალ-ჰურას ხშირად მოიხსენიებდნენ, როგორც "კეთილშობილ ქალბატონს, რომელიც არის თავისუფალი და დამოუკიდებელი", ასევე "მმართველი ქალი, რომელიც არ ემორჩილება უმაღლეს ხელისუფლებას".
აფრა ბენი. დრამატურგი, რომანისტი, პოეტი და მთავრობის ჯაშუში
მეჩვიდმეტე საუკუნის დრამატურგი, რომანისტი, პოეტი და სამთავრობო ჯაშუში აფრა ბენი შეიძლება ყოფილიყო პირველი ქალი ინგლისში, რომელიც ფულს შოულობდა მწერლობით. იგი ცნობილი გახდა იმით, რომ მისი ნამუშევრები ხშირად აშკარად ეროტიკული ხასიათისა იყო. ინგლის-ჰოლანდიის ომის დროს (1666 წლიდან 1667 წლამდე) აფრა ბენი ჩარლზ II-ისთვის საიდუმლო მისიებს ახორციელებდა ფსევდონიმით ასტრეა.
კაროლინა ჰერშელი- ასტრონომი
ბრიტანელი ასტრონომი კაროლინა ჰერშელი დაიბადა 1750 წელს გერმანიაში და 22 წლის ასაკში გადავიდა ინგლისში თავის ასტრონომ ძმასთან, საბოლოოდ კი მისი დახმარება დაიწყო. ჰერშელი იყო პირველი ქალი, რომელმაც აღმოაჩინა კომეტა, მისი სამეცნიერო ნაშრომი ცნობილი გახდა მთელ მსოფლიოში.
სარა გუპი-გამომგონებელი
ბრიტანელმა გამომგონებელმა სარა გუპიმ მიიღო 10 პატენტი სხვადასხვა ელექტრო მოწყობილობებზე მე-18 საუკუნის ბოლოს და მე-19 საუკუნის დასაწყისში, ყავის მადუღარებიდან დაწყებული, რომელთა ორთქლსაც იყენებდნენ კვერცხების მოსახარშად და ტოსტებისთვის, გემების ძირიდან მოლუსკების მოსაშორებელ მოწყობილობამდე (ამ პატენტისთვის, ბრიტანელებმა ფლოტმა სარას 40000 ფუნტი გადაუხადა).
მარგარეტ ნაითი- გამოიგონა ქაღალდის პაკეტი
1838 წელს მაინში დაბადებული მარგარეტ ნაითი ცნობილი გახდა პროდუქტის გამოგონებით, რომელმაც სამყარო სამუდამოდ შეცვალა: ქაღალდის პაკეტი. ნაითმა ასევე შექმნა მანქანა, რომელსაც შეეძლო ბრტყელი ფსკერის მქონე ქაღალდის ჩანთების მასობრივი წარმოება (ქაღალდის ჩანთები, რომლებიც იმ დროს არსებობდა, უფრო ბრტყელ კონვერტებს ჰგავდა). მის ორიგინალურ დიზაინზე დაფუძნებული მანქანები დღესაც გამოიყენება.
ფანი ფარმერი- კულინარიული წიგნების ავტორი
ფანი ფერმერს ხშირად ეძახდნენ მე-19 საუკუნეში კულინარიის დედას. ფანი დაიბადა ბოსტონში 1857 წელს, მისი კულინარიული წიგნები ჯერ კიდევ იბეჭდება, ფანი იყო პირველი ქალი, რომელმაც ფული გამოიმუშავა სამზარეულოსა და სახლის მოვლაზე. განაგრძეთ კითხვა