პარალიზებული ადამიანები მალე სიარულს შეძლებენ – რა აღმოჩენა გააკეთეს ებრაელმა მეცნიერებმა? | Allnews.Ge

პარალიზებული ადამიანები მალე სიარულს შეძლებენ – რა აღმოჩენა გააკეთეს ებრაელმა მეცნიერებმა?

თელ-ავივის უნივერსიტეტის საგოლის რეგენერაციული ბიოტექნოლოგიის ცენტრის სპეციალისტებმა ადამიანის ზურგის ტვინის ქსოვილები ჩაუნერგეს ლაბორატორიის ცხოველებს, რომლებიც 2 ჯგუფად იყოფოდნენ: ისინი, რომელთა პარალიზებიდან ცოტა დრო იყო გასული და დიდი ხნის პარალიზებული პაციენტები.

იმპლანტაციის შემდეგ, მწვავე დამბლით დაავადებული ლაბორატორიის ცხოველების 100% და ქრონიკული დამბლის 80% დაუბრუნდა სიარულის უნარი.

1-prof-1658301800.-Tal-Dvir-Credit-Israel-Hadari--640x400.jpg

ებრაელ მეცნიერთა ტექნოლოგია ეფუძნება პაციენტის მუცლის ცხიმოვანი ქსოვილიდან მცირეოდენი ბიოფსიის აღებას. აღნიშნული ქსოვილი, ისევე როგორც ყველა სხვა დანარჩენი ქსოვილები ჩვენს ორგანიზმში, შედგება უჯრედებისა და უჯრედგარე მატრიქსებისგან, რომელიც შეიცავს ისეთ ნივთიერებებს, როგორიცაა კოლაგენი და შაქარი. უჯრედების უჯრედგარე მატრიქსისგან გამოყოფის შემდეგ, მეცნიერებმა გამოიყენეს გენური ინჟინერია უჯრედების რეპროგრამირებისთვის, დააბრუნეს ისინი ემბრიონის ღეროვანი უჯრედების მსგავს მდგომარეობაში, რომელსაც შეუძლია გახდეს ნებისმიერი ტიპის უჯრედი ორგანიზმში.

2022071912321974677-1658301414.jpg

უჯრედგარე მატრიქსიდან შევქმენით პერსონალიზირებული ჰიდროგელი, რომელიც იმპლანტაციის შემდეგ არ გამოიწვევს ნეგატიურ იმუნურ რეაქციას ან შეუთავსებლობას.

შემდეგ ღეროვანი უჯრედები მოვათავსეთ ჰიდროგელში და ზურგის ტვინის ემბრიონული განვითარების მსგავს პროცესში, უჯრედები სამგანზომილებიანი ნერვული ქსელის იმპლანტანტებად გადავაქციეთ, რომლებიც მამოძრავებელ ნეირონებს შეიცავენ."– ტალ დვირი, საგოლის რეგენერაციული ბიოტექნოლოგიის ცენტრის პროფესორი.

მკვლევარების აზრით, ეს მსოფლიოში პირველი შემთხვევაა, როდესაც ადამიანის იმპლანტირებული ქსოვილები ცხოველის გრძელვადიან გამოჯანმრთელებას იწვევს.

9-visualization-of-the-next-stage-of-the-research-human-spinal-cord-implants-for-treating-paralysis-640x400-1658301843.png

istock-1285024893-640x400-1658301869.jpg

მეცნიერები იმედოვნებენ, რომ უახლოესი რამდენიმე წლის განმავლობაში გადავლენ ადამიანებზე კლინიკური კვლევების ჩატარების სტადიაზე. კომპანიის პრეკლინიკური პროგრამა უკვე განხილული იქნა FDA–თან (სურსათისა და წამლის ადმინისტრაცია). იმის გათვალისწინებით, რომ ამჟამად პარალიზებული პაციენტებისთვის სხვა ალტერნატივა არ არსებობს, მკვლევარები თვლიან, რომ აღნიშნული ტექნოლოგიის შედარებით სწრაფ დამტკიცებას უნდა ველოდოთ.

მსოფლიოში მილიონობით ადამიანი პარალიზებულია ხერხემლის დაზიანების გამო. დღემდე არ აღმოუჩენიათ მათი მკურნალობის ეფექტური საშუალება. ჩვენი მიზანია – გავაკეთოთ ზურგის ტვინის პერსონალიზებული იმპლანტანტები ყველა პარალიზებული ადამიანისთვის, რაც დაზიანებულ ქსოვილს რეგენერაციას საშუალებას მისცემს უკუჩვენების რისკის გარეშე.

35-1658301880.18 Acute MI Patients With Paraplegia Rarely Get Revascularization, Face Higher Risk of Death.jpg

წყარო