რა ღირს ზაფხულში დასვენება საქართველო მთიან კურორტებზე
ზაფხული დადგა და შესაბამისად, საქართველოში შვებულებების სეზონიც მოახლოვდა. დამსვენებლები აქტიურად არჩევენ სასურველ მიმართულებებს. მათ, ვისაც ზღვა არ უყვარს, საკმაოდ დიდი არჩევანი აქვთ - საქართველოში ბევრი მაღალმთიანი კურორტია, ყველგან სხვადასხვა პირობებითა და მდგომარეობით.
„ბიზნესპრესნიუსი“ დაინტერესდა, რამდენად მზად არის მაღალმთიანი რეგიონები ტურისტული სეზონისთვის, მოიმატა თუ არა დასვენების ფასებმა, შეიმჩნევა თუ არა ტურისტების სიმრავლე და რომელი ქვეყნებიდან ჭარბობს ჯავშნები ქართულ სასტუმროებში.
გუდაური
2022 წლის ზაფხულის სეზონისთვის გუდაურში დასვენება 10-15%-ით გაძვირდა. სასტუმროებში ამბობენ, რომ უცხოელი ტურისტები აქტიურად ჯერ არ არიან. რაც შეეხება ჯავშნებს, დიდი ნაწილი უქმდება, ხოლო ვიზიტორების უმეტესი ნაწილი პოლონეთიდან არიან.
ბაკურიანი
ბაკურიანის სასტუმროების ნაწილის განცხადებით, დამსვენებლებისთვის ფასები არ მომატებულა და მათ ძველი ღირებულებით შეუძლიათ დასვენება. საშუალოდ, ერთი დღე-ღამის ფასი აქ 60-70 ლარიდან იწყება და სხვადასხვა სახის მომსახურებებს მოიცავს. რაც შეეხება ჯავშნებს, როგორც ჩანს, ბაკურიანი არაბ ტურისტებს იზიდავს, რადგან ჯავშნები სწორედ ამ ქვეყნიდან ჭარბობს.