რა ბედი ეწია შევარდნაძის ცნობილ ჭიქას, საიდანაც სააკაშვილმა "ვარდების რევოლუციის" დროს ჩაი დალია? | Allnews.Ge

"ვარ­დე­ბის რე­ვო­ლუ­ცი­ი­დან" 18 წელი გავიდა. ამ დღეს ოპო­ზი­ცი­ის მა­შინ­დე­ლი ლი­დე­რი მი­ხე­ილ სა­ა­კაშ­ვი­ლი პარ­ლა­მენ­ტში წი­თე­ლი ვარ­დით შე­იჭ­რა და ტრი­ბუ­ნას­თან მყოფ პრე­ზი­დენტ შე­ვარ­დნა­ძეს გა­დად­გო­მა მოს­თხო­ვა. მერე კი ტრი­ბუ­ნას­თან თა­ვად მი­იჭ­რა და შე­ვარ­დნა­ძის ჩაიც და­ლია. იმ დღის შემ­დეგ წი­თე­ლი ვარ­დი და ჩაის ჭიქა რე­ვო­ლუ­ცი­ის სიმ­ბო­ლოდ იქცა.

მიხეილ სააკაშვილისა და მისი მხარდამჭერების შეჭრა პარლამენტში

ცნობილი მოვლენა "ვარდების რევოლუციიდან"

კადრები "ვარდების რევოლუციიდან"

გვინ­და გა­გაც­ნოთ ადა­მი­ა­ნი, რო­მელ­მაც შე­ვარ­დნა­ძის ჩაის ჭიქა ქორ­წილ­ში სა­ჩუ­ქა­რად მი­ი­ღო და მას მერე ამ ნივთს მის­თვის უდი­დე­სი მნიშ­ვნე­ლო­ბა აქვს.

ვინ არის ყო­ფი­ლი დე­პუ­ტა­ტი, ვის­თა­ნაც 2003 წლის რე­ვო­ლუ­ცი­ის ცნო­ბი­ლი ვარ­დი ინა­ხე­ბა - "მივ­ხვდი, რომ ეს ყვე­ლა­ფე­რი გა­თა­მა­შე­ბუ­ლი იყო" "შე­ვარ­დნა­ძის ცნო­ბი­ლი ჭიქა, რომ­ლი­და­ნაც მი­შამ 2003 წელს პარ­ლა­მენ­ტში ჩაი და­ლია, 23 ნო­ემ­ბრი­დან ჩემ­თან ინა­ხე­ბა", - გვე­უბ­ნე­ბა ინ­ტერ­ნეტ­მე­დია ჯგუ­ფის დამ­ფუძ­ნე­ბე­ლი გი­ორ­გი კა­პა­ნა­ძე.

ჭიქა, რო­მე­ლიც დღეს­დღე­ო­ბით, რო­გორც ვთქვით, "ვარ­დე­ბის რე­ვო­ლუ­ცი­ის" სიმ­ბო­ლო და უკვე რე­ლიკ­ვი­ა­ცაა. ალ­ბათ სა­ინ­ტე­რე­სოა, რო­გორ მოხ­ვდა ჟურ­ნა­ლის­ტის არ­ქივ­ში ეს ნივ­თი და რას ნიშ­ნავს გი­ორ­გის­თვის შე­ვარ­დნა­ძის ჭიქა, ამა­ზე დე­ტა­ლუ­რად Ambebi.ge-ს თა­ვად უამ­ბობს.

გი­ორ­გის ზუს­ტად იმ დღეს, 2003 წლის 23 ნო­ემ­ბერს ქორ­წი­ლი ჰქონ­და და მე­გო­ბარ­მა, რო­მე­ლიც მა­შინ პარ­ლა­მენ­ტში იმ­ყო­ფე­ბო­და, ამის აღ­სა­ნიშ­ნად, ქორ­წილ­ში რე­ვო­ლუ­ცი­ის მთა­ვა­რი სიმ­ბო­ლო - ჭიქა აჩუ­ქა.

"სა­ერ­თოდ, სიმ­ბო­ლო­ებს დიდი და მნიშ­ვნე­ლო­ვა­ნი დატ­ვირ­თვა აქვს. "ვარ­დე­ბის რე­ვო­ლუ­ცი­ის" შე­სა­ხებ მსოფ­ლი­ომ სწო­რედ მა­შინ შე­ი­ტყო, როცა შე­ვარ­დნა­ძე პარ­ლა­მენ­ტი­დან გა­იქ­ცა, ტრი­ბუ­ნას­თან კი ოპო­ზი­ცი­ის მა­შინ­დე­ლი ლი­დე­რი მი­ვი­და და მისი ჭი­ქი­დან ჩაი და­ლია", - ამ­ბობს გი­ორ­გი და რე­ვო­ლუ­ცი­ის სიმ­ბო­ლო­ებ­ზე სა­უ­ბარს გა­ნაგ­რძობს:

"რო­გორც ვიცი, ყო­ფილ დე­პუ­ტატ­თან, კობა ამირ­ხა­ნაშ­ვილ­თან ის წი­თე­ლი ვარ­დი ინა­ხე­ბა, რომ­ლი­თაც სა­ა­კაშ­ვი­ლი პარ­ლა­მენ­ტის დარ­ბაზ­ში შე­ვი­და... მე კი, რო­გორც უკვე გი­თხა­რით, მაქვს ჭიქა. რე­ვო­ლუ­ცი­ის შემ­დეგ, მა­ლე­ვე იყო შე­მო­თა­ვა­ზე­ბა, შე­ვარ­დნა­ძის ჭიქა ერთი ცნო­ბი­ლი ადა­მი­ა­ნის­თვის და­მეთ­მო, მაგ­რამ, ვერ გა­ვი­მე­ტე... სხვა­თა შო­რის, კრწა­ნი­სის რე­ზი­დენ­ცი­ა­ში მი­ვე­დი და შე­ვარ­დნა­ძეს ვუ­თხა­რი იმის შე­სა­ხებ, რომ მისი ჭიქა მე მქონ­და. გა­ი­ცი­ნა და მი­თხრა, - შე­საძ­ლოა, ერთ დღეს ის ძა­ლი­ან ძვი­რად გა­ყი­დოო", - დას­ძენს გი­ორ­გი კა­პა­ნა­ძე. განაგრძეთ კითხვა

ლალი ფაცია