გაეროს ტრიბუნიდან კაცობრიობას დინოზავრმა მიმართა! - ნახეთ უცნაური ვიდეო, რომელიც ინტერნეტში ვრცელდება | Allnews.Ge

გაეროს ტრიბუნიდან კაცობრიობას დინოზავრმა მიმართა! - ნახეთ უცნაური ვიდეო, რომელიც ინტერნეტში ვრცელდება

გაეროს გენერალური ასამბლეის ცნობილ დარბაზში, რომლის შტაბ-ბინა ნიუ-იორკშია განთავსებული, გადაიღეს მოკლემეტრაჟიანი ანიმაციური ფილმი, რომელშიც დინოზავრი ტრიბუნიდან მიმართვას ავრცელებს: დაფიქრდნენ, კაცობრიობის, როგორც სახეობის შენარჩუნებაზე.

"დადგა დრო ადამიანებმა შეწყვიტონ თავის მართლება და დაიწყოს ცხოვრებაში ცვლილებების განხორციელება. ყოველ შემთხვევაში ჩვენ გადაგვაშენა ასტეროიდმა, მაგრამ თქვენ რა გამართლება გაქვთ? -რიტორიკულ კითხვას სვამს დინოზავრი დარბაზში მსხდომი დიპლომატების მისამართით.

3olw9uce-720-1635413020-1635415005.jpg

ეს არის ნაწყვეტი ფილმიდან, რომელშიც კომპიუტერული გრაფიკაც არის გამოყენებული.მისი ნახვა გაეროს ვებგვერდზეა შესაძლებელი . ის ასევე იუწყება, რომ გაეროს განვითარების პროგრამის კვლევის მიხედვით, მსოფლიოში ყოველწლიურად 420 მილიარდ დოლარზე მეტი იხარჯება წიაღისეული საწვავის მოპოვებაზე. ექსპერტების აზრით, ეს თანხა სრულიად საკმარისია იმისთვის, რომ პლანეტის ყველა მაცხოვრებელმა უფასოდ გაიკეთოს კორონავირუსის საწინააღმდეგო ვაქცინა და ამ თანხის მესამედი საკმარისია უკიდურესი სიღარიბის აღმოსაფხვრელად.

იფიქრე იმაზე, რისი გაკეთებაც შეგიძლია ამ ფულით. მთელ მსოფლიოში ხალხი სიღარიბეში ცხოვრობს. არ ფიქრობთ იმაზე, რომ მათ დახმარებას უფრო მეტი აზრი აქვს, ვიდრე მთელი თქვენი სახეობის დაღუპვის სიკვდილის საფასური? - მოუწოდებს კაცობრიობას დაფიქრებისკენ ნამარხი მტაცებელი მილიონობით წლის წინ მცხოვრები დედამიწაზე.

გლაზგოში (დიდი ბრიტანეთი) 31 ოქტომბრიდან 12 ნოემბრის ჩათვლით გაეროს კლიმატური ცვლილების კონვენციის ფარგლებში 26-ე კონფერენცია გაიმართება. ჯამში, COP-26-ის მუშაობაში მონაწილეობას მიიღებს 30 ათასზე მეტი ადამიანი 200 ქვეყნიდან. კონფერენციას მრავალი სახელმწიფოს ლიდერი დაესწრება.

აღსანიშნავია, რომ ეს არის ყველაზე მასშტაბური სამიტი 2015 წელს პარიზში გაართულ კლიმატის კონფერენციის შემდეგ, რომლის შედეგადაც შემუშავდა " პარიზის კლიმატის შეთანხმება."