"საკუთარი გარეგნობა საშინლად არ მომწონდა, ეს ჩემი ცხოვრების ბნელი პერიოდი იყო"- მეგან ფოქსი კომპლექსებსა და ფსიქოლოგიურ პრობლემებზე ალაპარაკდა
"ტრანსფორმერების“ ვარსკვლავი, მეგან ფოქსი GQ-სთან ინტერვიუში გამოტყდა, რომ უკმაყოფილოა თავისი სხეულის ფორმებით და მასაც აქვს კომპლექსები. მსახიობის თქმით, რამდენიმე წლის წინ საკუთარი თავის ნეგატიურად აღქმა იმდენად პრობლემური იყო მისთვის, რომ ფსიქოლოგიური პრობლემები შეექმნა, შედეგად კი საკვებზე აკვიატებული დამოკიდებულება განუვითარდა.
ის ამბობს, რომ "ჯენიფერის სხეულის“ გადაღებების დასრულების შემდეგ (2009 წელს), ფსიქიკური მდგომარეობა გაუუარესდა.
"ჩვენ შეიძლება შევხედოთ ვინმეს და ვიფიქროთ, რომ ის ძალიან ლამაზია და ამის გამო მისი ცხოვრება უფრო მარტივია, მაგრამ ასე არ არის. ძალიან დიდი ბრძოლა დამჭირდა საკუთარ თავთან, რომ ნეგატიური ფიქრებისგან გავთავისუფლებულიყავი. გავიაზრე, რომ მსხვერპლი ვიყავი და მეტად აღარ უნდა დამეტანჯა საკუთარი თავი. ამ მძიმე პერიოდის გადალახვის შემდეგ უფრო საინტერესო ადამიანი გავხდი, ვიდრე მანამდე ვიყავი, რამაც საშუალება მომცა მადლიერების გრძნობით განვმსჭვალულიყავი და თავისუფლად მეგრძნო თავი“.
აღსანიშნავია, რომ ეს არ არის პირველი შემთხვევა, როდესაც მეგან ფოქსი ამ თემაზე საუბრობს, 2019 წელს Entertainment Tonight-თან ინტერვიუში თქვა, რომ არ სურდა ხალხს დაენახა.
"არ მინდოდა ხალხს დავენახე, გადამეღო ფოტო, წითელ ხალიჩაზე გამევლო ან ინტერვიუ მიმეცა, რადგან მეშინოდა, რომ დამცინებდნენ, დამიყვირებდნენ, შემაფურთხებდნენ, ჩამქოლავდნენ მხოლოდ იმის გამო, რომ საზოგადოებრივი თავშეყრის ადგილზე გამოვჩნდი. საკუთარი გარეგნობა საშინლად არ მომწონდა, ეს ჩემი ცხოვრების ბნელი პერიოდი იყო", - ამბობდა მეგან ფოქსი.
მსახიობს კომპლექსებთან ბრძოლაში მისი მეორე ნახევარიც დიდ დახმარებას უწევს. ცნობილი მუსიკოსი, რიჩარდ კოლსონ ბეიკერი (იგივე მაშინ გან კელი), რომელიც მეგანს წელიწადზე მეტია ხვდება, არასტანდარტული იმიჯით გამოირჩევა. "ის დამეხმარა მიმეღო ჩემი ექსცენტრიული და უცნაური თვისებები და თავი ისეთად მიმეღო, როგორიც ვარ.