პროდუქტები, რომლებიც სიცოცხლეს გვიხანგრძლივებს | Allnews.Ge

პროდუქტები, რომლებიც სიცოცხლეს გვიხანგრძლივებს

ორგანიზმში ომეგა - 3 ცხიმოვანი მჟავების მაღალი დონე დადებითად მოქმედებს ორგანიზმის ზოგად მდგომარეობაზე და ზრდის სიცოცხლის ხანგრძლივობას. ამ დასკვნამდე მივიდნენ ამერიკელი მეცნიერები, რომელთა სტატიაც გამოქვეყნდა ჟურნალში American Journal of Clinical Nutrition.

კვლევის თანახმად, ომეგა-3 ცხიმოვანი მჟავები დადებითად მოქმედებს გულსისხლძარღვთა სისტემის მუშაობაზე და ხელს უწყობს ანთების დაქვეითებას. ამასთან დადგინდა, რომ ის ადამიანები, რომელთა სისხლშიდაც გამოვლინდა ომეგა-3 ცხიმოვანი მჟავების მომატებული შემცველობა, ხუთი წლით უფრო მეტ ხანს ცოცხლობენ.

მეცნიერები აღნიშნავენ, რომ აღნიშნული ნივთიერებების დონე ისევე მოქმედებს სიცოცხლის ხანგრძლივობაზე, როგორც სიგარეტის მოწევა.

სპეციალისტები გვირჩევენ რაციონი გავამდიდროთ ომეგა-3 ცხიმოვანი მჟავების შემცველი პროდუქტებით, როგორიცაა: ორაგული, სელის თესლი, პალტუსი, თინუსი, სკუმბრია, ჩიას თესლი.

ამასთან, ჩინელი სპეციალისტების აზრით, სიცოცხლის გასახანგრძლივებლად აუცილებელია ხუთჯერადი კვება. ამასთან ყოველდღიურად უნდა მივიღოთ ორი ულუფა ხილი და სამი ულუფა ბოსტნეული. ხილითა და ბოსტნეულით მდიდარი დიეტა ამცირებს გულ-სისხლძარღვთა სისტემის, კიბოსა და სიცოცხლისათვის საშიში სხვა დაავადებების განვითარების რისკს.