ჯანსაღი ცხოვრების წესი თუ უბრალოდ კარგი გენეტიკა? - რა საიდუმლოს ინახავენ 100 წელზე მეტი ხნის ადამიანები | Allnews.Ge

ჯანსაღი ცხოვრების წესი თუ უბრალოდ კარგი გენეტიკა? - რა საიდუმლოს ინახავენ 100 წელზე მეტი ხნის ადამიანები

ყველამ კარგად ვიცით, რომ ჯანსაღი ცხოვრება ჯანმრთელობის საწინდარია. სწორ კვებასა და საკმარის ფიზიკურ აქტივობას შეუძლია უამრავი დაავადება აგვარიდოს თავიდან.

არის კი ეს საკმარისი? რა საიდუმლოს ინახავენ ადამიანები, რომლებიც 100 წელზე მეტხანს ცხოვრობენ?

სწორედ ეს აინტერესებდათ იტალიელ მეცნიერებს, რომლებმაც იმ ადამიანების გენები გაშიფრეს, 100 წელს რომ გადააბიჯეს. მათ წინაშე ასაკთან დაკავშირებული დაავადებები უძლური აღმოჩნდა.

იტალია ერთ-ერთი ქვეყანაა, რომელიც მდიდარია უხუცესი მოქალაქეების რაოდენობით. მეცნიერებმა 81 ადამიანის სისხლის ნიმუში აიღეს და გამოიკვლიეს მათი გენომი. როგორც აღმოჩნდა, 100 წელს გადაცილებულ ადამიანებს უნიკალური გენები აქვთ, რომელთა დახმარებითაც მათ ორგანიზმს დნმ-ის აღდგენის უნარი შესწევთ.

მეცნიერებმა ასევე დაადგინეს 5 საერთო გენეტიკური ცვლილება ორ გენს შორის, რომლებიც სხვადასხვა დაავადებასთან ასოცირდება (ეს გენებია: COA1 და STK17A). COA1 და STK17A მნიშვნელოვან როლს თამაშობენ ჯანმრთელი ადამიანის ორგანიზმში.

ისინი სიმსივნის, ინფარქტისა და ინსულტის განვითარების პროცესში არიან ჩართულები. აღნიშნული დაავადებებისგან კი 100 წელს გადაცილებული ადამიანები მეტად დაცულები არიან. მათი გარდაცვალება მოულოდნელი და უეცარია ხოლმე, თითქოს, უბრალოდ „დრო დადგა“ სიკვდილისათვის.