პრისცილა ჩანი- როგორ გახდა ჩინელი ლტოლვილების ქალიშვილი მარკ ცუკერბერგის მეუღლე | Allnews.Ge

პრისცილა ჩანი- როგორ გახდა ჩინელი ლტოლვილების ქალიშვილი მარკ ცუკერბერგის მეუღლე

როდესაც 2012 წელს სოციალურ ქსელ "Facebook"-ის შემქმნელი მარკ ცუკერბერგი და პრისცილა ჩანი დაქორწინდნენ, ყველა გაკვირვებული დარჩა. საზოგადოებას ვერ გაეგო, თუ რა ჰქონდა საერთო ამერიკელ მილიარდერსა და ჩინელი ემიგრანტების შვილს- ერთი შეხედვით არაფრით გამორჩეულ გოგონას.

მათ ხშირად აკრიტიკებდნენ, წერდნენ, რომ ეს იყო აბსოლუტურად შეუფერებული წყვილი და მათი ქორწინება მალე დასრულდებოდა კრახით, თუმცა სკეპტიკოსების წინასწარმეტყველება არ გამართლდა - აგერ უკვე 8 წელია მარკი და პრისცილა ბედნიერ თანაცხოვრებას ეწევიან და არაფრად აგდებენ მათ ზურგს უკან მოარულ, დამცინავ ჭორებს.

პრისცილა ჩინელი ემიგრანტების შვილია, რომლებიც დღე და ღამე მუშაობდნენ, რათა მათი ქალიშვილისათვის აეხდინათ ამერიკული ოცნება. თავის მხრივ პრისცილაც არ იშურებდა ძალ-ღონეს, რომ კარგად ესწავლა და ჰარვარდის უნივერსიტეტში მოხვედრილიყო, სადაც ის ბიოლოგიას ეუფლებოდა. სწორედ ჰარვარდში სწავლისას გაიცნო მან მარკ ცუკერბერგი.

peiscila-1-1623915616.jpg

ჰარვარდის დამთავრების შემდეგ პრისცილამ ცოტა ხანს მასწავლებლად იმუშავა, შემდეგ კი გადაწყვიტა, რომ მისი მოწოდება ბავშვების ჯანმრთელობაზე ზრუნვა იყო და კალიფორნიის სამედიცინო უნივერსიტეტში ჩააბარა, რომელიც ბრწყინვალე მოსწრებით დააამთავრა და ცოტა ხანს სან- ფრანცისკოს საავადმყოფოში მუშაობდა პედიატრად.

მარკმა და პრისცილამ ერთმანეთი ერთ-ერთ სტუდენტურ საღამოზე გაიცნეს. მარკს სასმელის ბოკალზე ეწერა სახალისო შარადა, რომლის გამოცნობას მხოლოდ ინფორმაციული ტექნოლოგიების სპეციალისტი თუ შეძლებდა. პრისცილა პროგრამირებაში ერკვეოდა, მან გამოიცნო ცუკერბერგის შარადა და გაიცინა. ამან მარკის ყურადღება მიიპყრო, ისინი ერთმანეთს გამოელაპარაკნენ და მიხვდნენ, რომ ბევრი რამ ჰქონდათ საერთო.

გაცნობიდან რამდენიმე ხანში მარკმა და პრისცილამ მოკრძალებული ქორწილი გადაიხადეს. მიუხედავად მამაკაცის კოლოსალური შემოსავლებისა, წყვილმა არ მოაწყო მდიდრული წვეულება და არც ძვირფასი საჩუქრების ყიდვით შეუწუხებია თავი.

peiscila-2-1623915674.jpg

არც ოჯახურ ცხოვრებაში გამოირჩებიან ისინი ბევრი ხარჯებით და ძალიან მოკრძალებულ, უბრალო ცხოვრებას ეწევიან. მათ უყვართ უბრალო, იაფფასიანი ტანსაცმლის ჩაცმა და სულაც არ ჩნდებიან საზოგადოებაში დიზაინერების მიერ შექმნილი ძვირფასი კაბებითა და კოსტიუმებით.

პრისცილას გრძელი და რთული გზის გავლა მოუხდა, სანამ დედობის სიხარულს ეზიარებოდა. წყვილს ძალიან უნდოდა ბავშვი, მაგრამ ქალის სამი ორსულობა ბუნებრივი აბორტით დამთავრდა, რასაც ორივენი ძალიან განიცდიდნენ. დღეს მარკი და პრისცილა ორი არაჩვეულებრივი გოგონას მშობლები არიან და მთლიანად არიან ჩართულები ბავშვების აღზრდის საქმეში.

peiscila-5-1623915712.jpg

peiscila-4-1623915792.jpg

peiscila-6-1623915812.jpg

პრისცილა მუდმივად ეხმარება ქმარს მუშაობაში და დიდი წვლილი შეაქვს მისი საყვარელი პირმშოს - Facebook-ის ნორმალურად ფუნქციონირებაში. სწორედ მისი იდეაა ქსლეში შემოტანილი სიახლეების უმეტესობა, რომლებიც მომხმარებლებს საშუალებას აძლევს კიდევ უფრო კომფორტული და მოსახერხებელი გახადონ სოციალურ ქსელში მუშაობა.

peiscila-3-1623915843.jpg

ერთობლივი ცხოვრების პერიოდში მარკსა და პრისცილას ბევრი პრობლემის გადალახვა მოუხდათ, რამაც ისინი კიდევ უფრო დაახლოვა და მათი ოჯახური თანაცხოვრება განამტკიცა... და ვინ დააწესა, რომ მილიარდერის მეუღლე აუცილებლად სუპერმოდელი უნდა იყოს გამორჩეული გარეგნობით? ცუკერბერგი ისეთივე ადამიანია, როგორიც ჩვენ და ცხოვრების მეორე ნახევრის არჩევაში გულის კარნახით მოქმედებდა. როგორც ვხედავთ, მისი არჩევანი აბსოლუტურად სწორი აღმოჩნდა.

intermedia.ge

myquiz