შარვლები, რომლებიც შესაძლოა მალე „ტრენდული“ გახდეს- ლონდონის მოდის კოლეჯის კოლექცია, რომელსაც საზოგადოების არაერთგვაროვანი გამოხმაურება მოჰყვა
რამდენიმე დღის წინ სოციალურ მედიაში მამაკაცის საკმაოდ უცნაური შარვლების კოლექციის ფოტოები გავრცელდა, რომელსაც საზოგადოების საკმაოდ დიდი გამოხმაურება მოჰყვა.
როგორც ირკვევა, უცნაური შარვლები 26 წლის მოდის დიზაინერმა Harikrishnan-მა შექმნა. დიზაინერმა ისინი 2020 წლის ლონდონის მოდის კოლეჯის მამაკაცების შარვლების ჩვენებაზე წარადგინა, რასაც დიდი გამოხმაურება მოჰყვა.
დიზაინერი Harikrishnan
როგორც თავად დიზაინერი აცხადებს, მისმა შემოქმედებამ საზოგადოების დიდი ინტერესი გამოწვია და სულაც არ არის გამორიცხული, რომ ისინი ძალიან მალე „ტრენდული“ გახდეს.
საზოგადოების რეაქცია კი განსხვავებული იყო და მას არაერთი ხუმრობა მოჰყვა.
„ეს ალბათ ხუმრობაა. თუ ასეთი ტანსაცმელი მართლა წარადგინეს, მაშინ ძალიან ცუდ დღეში ვართ“
„არასოდეს მინახავს მოდელები ასე შეწუხებულად და უხერხულად გამოიყურებოდნენ. მათ სახეები გვეუბნება თუ რამდენად კომფორტულია ასეთი შარვლები“
„ასეთი შარვლები ძალიან კარგი საშუალებაა სოციალური დისტანციის დასაცავად“
