გრანდიოზული არქიტექტურული პროექტები, რომლებიც ჩვენთვის ნაცნობ ქალაქებს სამუდამოდ შეცვლიდა (+ფოტოები) | Allnews.Ge

გრანდიოზული არქიტექტურული პროექტები, რომლებიც ჩვენთვის ნაცნობ ქალაქებს სამუდამოდ შეცვლიდა (+ფოტოები)

საუკუნეთა განმავლობაში ადამიანები გეგმავდნენ თუ როგორ უნდა განხორციელებულიყო ამა თუ იმ ქალაქის განაშენიანება. ისტორიის მანძილზე არაერთი ასეთი მასშტაბური პროექტი განხორციელდა.

დღევანდელ სტატიაში იმ გრანდიოზულ პროექტებზე მოგიყვებით, რომლებსაც დღეისათვის არსებული ქალაქები და მათი ფუნქცია რადიკალურად უნდა შეეცვალათ, თუმცა განხორციელება არ ეწერათ.

გერმანია (Germania)- მსოფლიოს დედაქალაქი

projectts-2-1620644036.jpg

ნაცისტური გერმანიის ფიურერის, ადოლფ ჰიტლერის ამბიციური გეგმის თანახმად, მას შემდეგ რაც გერმანია მსოფლიო ომს მოიგებდა და ზესახელმწიფო გახდებოდა, ბერლინი მსოფლიო დედაქალაქი უნდა გამხდარიყო.

„ბერლინი გახდება ისეთივე მნიშვნელობის ქალაქი, როგორებიც ერთ დროს ბაბილონი და რომი იყო“-განაცხადა ჰიტლერმა 1942 წელს.

projectts-1-1620644056.jpg

ქალაქის ახალი სახელი გერმანია (Germania) იქნებოდა. პროექტის მიხედვით, ქალაქში უზარმაზარი ცათამბჯენები და ფართო ქუჩები უნდა აშენებულიყო, რისთვისაც იმ დროისათვის ბერლინში არსებული 100 000-ზე მეტი შენობა, მათ შორის ბარანდენბურგის კარიბჭე უნდა დანგრეულიყო.

ჰიტლერის აზრით, ბერლინი პატარა, ჭუჭყიანი და „ზედმეტად ლიბერალური“ ქალაქი იყო, რომელიც გერმანელ ერს არ ეკადრებოდა და აუცილებელი იყო მასშტაბური შენობების, მოედნების, პარკებისა და ბულვარებისა აშენება.

ახალი ლონდონის განაშენიანება

projectts-3-1620644098.jpeg

1666 წელს ლონდონში მასშტაბური ხანძარი მოხდა, რამაც ქალაქის შენობების დიდი ნაწილი გაანადგურა. არქიტექტორ კრისტოფერ ვრენის იდეის მიხედვით, ახალი ლონდონი პარიზის მსგავსად წრიული გეგმარებით უნდა ყოფილიყო და ქალაქში მასშტაბური ბულვარები მოწყობილიყო.

თუმცა, არქიტექტორის გეგმა დაიწუნეს, რადგან ამ მასშტაბის პროექტის განხორციელებას კოლოსალური თანხა დასჭირდებოდა.

Les Maisons Tours, პარიზი

projectts-5-1620644142.jpg

ფრანგმა არქიტექტორმა აუგუსტე პერეტმა 1922 წელს წარდგინა პარიზის განაშენიანების გეგმა, რომლის განხორციელების შემთხვევაში პარიზი დღევანდელ მანჰეტენს დაემსგავსებოდა.

projectts-4-1620644171.jpg

გეგმის მიხედვით, პარიზში Empire State Building-ის მსგავსი 300 ცათამბჯენი უნდა აშენებულიყო, რომლებიც თანაბარი დაშორებით ქალაქში წრიულად განთავსდებოდნენ. მასშტაბური შენობები ერთმანეთს თაღოვანი ხიდებით დაუკავშირდებოდნენ.

ამ შემთხვევაშიც, პროექტი მასშტაბური ხარჯების გამო დაიწუნეს.

გუმბათი მანჰეტენის თავზე

projectts-7-1620644220.png

1960 წელს არქიტექტორმა ბაკმინისტერ ფულერმა შეიმუშავა გეგმა, რომლის მიხედვითაც, მანჰეტენი უზარმაზარი გუმბათით უნდა გადახურულიყო. გეგმის მიხედვით, გუმბათი უბანს ტემპერატურის კონტროლის საშუალებას მისცემდა და ასევე შეამცირებდა ჰაერის დაბინძურებას.

projectts-6-1620644246.jpeg

არქიტექტორის აზრით, ყოველწლიურად ქალაქის დასუფთავებაზე, თოვლისგან გაწმენდასა და ტემპერატურის ცვლილებით გამოწვეულ დისკომფორტზე იმდენი თანხა იხარჯებოდა, რომ გუმბათის აშენება გაცილებით უფრო მომგებიანი იქნებოდა.

საბჭოთა სასახლე, მოსკოვი

projectts-9-1620644293.jpg

1933 წელს არქიტექტორმა ბორის იოფანმა არქიტექტურულ კონკურსში გაიმარჯვა და უნდა აეშენებინა უზარმაზარი ნეო-კლასიცისტური შენობა, რომლის თავზეც ლენინის უზარმაზარი ქანდაკება აღიმართებოდა.

projectts-10-1620644316.jpg

სასახლის ასაშენებლად იქ არსებული ეკლესია დაანგრიეს და მშენებლობა 1937 წელს დაიწყო, თუმცა მეორე მსოფლიო ომის დაწყებამ გრანდიოზული პროექტი შეაჩერა.

წყარო: www.mns.com

myquiz