ფლოიდ მეივეზერმა კონორ მაკრეგორი დაამარცხა
ლას ვეგასში მსოფლიოში საუკეთესო მოკრივე ფლოიდ მეივეზერსა და UFC-ის ისტორიაში ორ წონაში პირველ ჩემპიონ კონორ მაკრეგორს შორის ბრძოლა გაიმართა.
ბრძოლა კრივის წესებით ჩატარდა და მე-10 რაუნდში მეივეზერის გამარჯვებით, ტექნიკური ნოკაუტით დასრულდა.
"მაკგრეგორი ბევრად უკეთესად გამოიყურებოდა, ვიდრე მე მეგონა, მაგრამ მე ვამბობდი, რომ შეხვედრა მთელ დისტანციაზე არ გაგრძელდებოდა. ეს ჩემი ბოლო ბრძოლა ბატონებო და ქალბატონებო", - თქვა მეივეზერმა ბრძოლის დასრულების შემდეგ.
მაკრეგორთან ბრძოლამ მეივეზერს კარიერაში 50-ე გამარჯვება მოუტანა. შესაბამისად ამერიკელი მოკრივე ახალი რეკორდსმენია 50 მოგებით 50 შეხვედრაში, აქედან 27-ში მან ნოკაუტით მოიგო. აქამდე რეკორდი როკი მარჩიანოს ეკუთვნოდა: 49 მოგება 49 შეხვედრა (43 ნოკაუტი.)