"პირდაპირ მოსკოვის სახელმძღვანელოდანაა გადმოწერილი... ამ კანონის მიღებას შედეგები მოჰყვება" - ბლინკენი “უცხოური გავლენის გამჭვირვალობის შესახებ” კანონზე
"პირდაპირ მოსკოვის სახელმძღვანელოდანაა გადმოწერილი... ამ კანონის მიღებას შედეგები მოჰყვება", - ამის შესახებ ამერიკის შეერთებული შტატების სახელმწიფო მდივანი ენტონი ბლინკენი საუბრობს და კონგრესმენ ბილ კიტინგის კითხვას პასუხობს, რომელიც სწორედ საქართველოში მიმდინარე მოვლენებს ეხებოდა.
"შეშფოთებულები ვართ "უცხოეთის აგენტების კანონით", რომელიც მიიღეს. მე ვფიქრობ, რომ სამწუხაროდ, ეს პირდაპირ მოსკოვის სახელმძღვანელოდანაა გადმოწერილი. ეს ქართველი ხალხის უმეტესობის სურვილს, იარონ ევროკავშირისა და ევროინტეგრაციისკენ, აშკარად ეწინააღმდეგება. ძალიან ბევრს ვმუშაობთ იმაზე, რისი გაკეთება შეგვიძლია საპასუხოდ და ჩვენ ნამდვილად ვიმოქმედებთ... ევროკაშირიც განიხილავს, რა გავლენა ექნება ამ კანონს საქართველოს გაწევრიანების პროცესზე... ასე რომ, მე ვიტყოდი, რომ ამ კანონის მიღებას შედეგები მოჰყვება", - ამბობს ბლინკენი.