ანატოლი ბიბილოვი - სამხრეთ ოსეთის ხალხი საკუთარ მომავალს მხოლოდ რუსეთთან ერთად ხედავს | Allnews.Ge

ანატოლი ბიბილოვი - სამხრეთ ოსეთის ხალხი საკუთარ მომავალს მხოლოდ რუსეთთან ერთად ხედავს

სამხრეთ ოსეთის ხალხი საკუთარ მომავალს მხოლოდ რუსეთთან ერთად ხედავს, - ამის შესახებ ოკუპირებული ცხინვალის დე-ფაქტო პრეზიდენტმა ანატოლი ბიბილოვმა განაცხადა.

ე.წ. პრეზიდენტის თქმით, 2008 წლის აგვისტოში საქართველოს მიერ განხორციელებული "თავდასხმის" შემდეგ, მოსახლეობა დიდ მოლოდინში ცხოვრობდა, გადადგამდა თუ არა რუსეთი ისეთ ნაბიჯს, რომელიც "საქართველოს ახალ ავანტიურამდე საიმედო ბარიერს შექმნიდა".

"2008 წლის 8 აგვისტოს ღამით საქართველოს მიერ განხორციელებული თავდასხმისა და ომის საშინელი დღეების შემდეგ ჩვენი გაუტეხელი ხალხი დიდ მოლოდინში ცხოვრობდა: გადაიდგმებოდა თუ არა გადამწყვეტი ნაბიჯი, რომელიც საქართველოს ახალ სამხედრო ავანტიურამდე საიმედო ბარიერს შექმნიდა. პრეზიდენტ დიმიტრი მედვედევის განცხადება, რუსეთის ფედერაციის მიერ სამხრეთ ოსეთისა და აფხაზეთის დამოუკიდებლობის აღიარებასთან დაკავშირებით, ნამდვილ საერთო ეროვნულ დღესასწაულად იქცა", - აღნიშნა ბიბილოვმა.

შეგახსენებთ, ცხინვალის ოკუპირებულ რეგიონში რუსეთის მიერ ე.წ. სამხრეთ ოსეთის რესპუბლიკის "დამოუკიდებელ სახელმწიფოდ" გამოცხადების წლისთავს აღნიშნავენ. რუსეთმა საქართველოს ოკუპირებული რეგიონების ე.წ. დამოუკიდებლობა 2008 წლის 26 აგვისტოს აღიარა.