მიხეილ ჯანელიძე გერმანიაში არალეგალურად მყოფ საქართველოს მოქალაქეებს მოუწოდებს | Allnews.Ge

მიხეილ ჯანელიძე გერმანიაში არალეგალურად მყოფ საქართველოს მოქალაქეებს მოუწოდებს

ვიცე-პრემიერი, საგარეო საქმეთა მინისტრი მიხეილ ჯანელიძე გერმანიაში არალეგალურად მყოფ საქართველოს მოქალაქეებს მოუწოდებს, გერმანიის მთავრობის მიერ მიცემული შესაძლებლობით ისარგებლონ.

ჯანელიძე გამოეხმაურა გერმანიის მთავრობის გადაწყვეტილებას, რომელიც სამშობლოში დაბრუნების მსურველებს, მათ შორის ქართველებს, ფინანსურ კომპენსაციას გადაუხდის.

"ესეც არის ის მხარდაჭერა, რომელსაც გამოთქვამენ ჩვენი პარტნიორი ქვეყნები და პირველ რიგში გერმანია, რათა ხელი შეუწყონ ჩვენს მოქალაქეებს, რომლებიც ჩავიდნენ გერმანიაში და აქვთ სურვილი საკუთარ ქვეყანაში დაბრუნდნენ. გერმანიის მთავრობა სთავაზობს სოპეციალურ პირობებს, ფინანსურ დახმარებას და იმ ხარჯების ანაზღაურებას, რომელიც მათი დაბრუნებისთვის არის საჭირო. საკმაოდ მნიშვნელოვანი თანხაა, ამიტომ ამ ინფორმაციას აუცილებლად გავავრცელებთ კიდევ უფრო აქტიურად ჩვენი არხებით, შესაბამის დიასპორულ ორგანიზაციებში და მოქალაქეებში, რათა მაქსიმალურად ყველამ შეძლოს ამ ახალი შესაძლებლობით სარგებლობა და სამშობლოში დაბრუნება. იმედი გვაქვს, რომ ეს იქნება კონკრეტული შედეგის მომტანი ასევე იმ ადამიანებისთვის, რომლებსაც სურთ სამშობლოში დაბრუნება. მოვუწოდებ, ამ შესაძლებლობით ისარგებლონ", - განაცხადა ჯანელიძემ.

გერმანიის მთავრობა მათი ქვეყნის დატოვების სანაცვლოდ უცხოელებს, მათ შორის საქართველოს მოქალაქეებს 3000 ევრომდე ფულად მხარდაჭერას სთავაზობს.

გერმანიის მთავრობა ქვეყნის დატოვების საქართველოს მოქალაქეებს 3000 ევრომდე ფულად მხარდაჭერას სთავაზობს

myquiz