"კავკასიაში, სტაბილურობის უზრუნველყოფაში საკვანძო როლს კვლავაც აფხაზეთში მყოფი რუსეთის სამხედრო ბაზა შეასრულებს"
რუსეთსა და აფხაზეთს მჭიდრო კოორდინაცია ექნებათ კავკასიაში უსაფრთხოების უზრუნველასაყოფად. ამის შესახებ ოკუპირებულ აფხაზეთში ყოფნისას რუსეთის პრეზიდენტმა ვლადიმერ პუტინმა განაცხადა.
"მოლაპარაკებების დროს შევთანხმდით კიდევ უფრო მჭიდრო კოორდინაციაზე გამოწვევებისა და საფრთხეების წინააღმდეგ კავკასიაში. საკვანძო როლს რეგიონში სტაბილურობის უზრუნველყოფაში კვლავაც აფხაზეთში მყოფი რუსეთის გაერთიანებული სამხედრო ბაზა შეასრულებს" - განაცხადა პუტინმა.