აშშ-ში დღეს რიგით მე-60 საპრეზიდენტო არჩევნები გაიმართება - თბილისის დროით რომელ საათზე დაიწყება ხმის მიცემა?
აშშ-ში დღეს რიგით მე-60 საპრეზიდენტო არჩევნები გაიმართება. თეთრი სახლისთვის ბრძოლაში ერთმანეთს ყოფილი პრეზიდენტი, დონალდ ტრამპი და ვიცე-პრეზიდენტი, კამალა ჰარისი უპირისპირდებიან.
საარჩევნო უბნები მენის, კონექტიკუტის, ნიუ-იორკის და ვირჯინიის შტატებში თბილისის დროით 15:00 საათზე გაიხსნება, ხოლო 16:00 საათზე კი აშშ-ის აღმოსავლეთ ნაწილის სხვა შტატებში. ხმის მიცემის პროცედურა ადგილობრივი დროით 19:00 საათზე, შესაბამისად თბილისის დროით 4 ნოემბრის დილის 04:00 საათზე დასრულდება.
BBC-ის ინფორმაციით, აშშ-ის საპრეზიდენტო არჩევნებში ხმის მიცემის წინასწარი პროცედურით უკვე 81 მილიონზე მეტმა მოქალაქემ ისარგებლა.
საპრეზიდენტო არჩევნებში გამარჯვებისთვის კანდიდატმა ამომრჩეველთა კოლეგიის წევრთა 538 ხმიდან სულ მცირე 270 ხმა უნდა მიიღოს.