ვიქტორ ორბანი დღეს უკრაინას ეწვევა - რა ვიცით დაგეგმილ ვიზიტზე?
უნგრეთის პრემიერ-მინისტრი, ვიქტორ ორბანი დღეს უკრაინას ეწვევა, - ინფორმაციას მედია საშუალებები სანდო წყაროებზე დაყრდნობით ავრცელებენ.
გავრცელებული ინფორმაციით, ორბანი, რომელიც რუსეთის სრულმასშტაბიანი შეჭრის შემდეგ უკრაინაში პირველად ჩადის, კიევში პრეზიდენტ ვოლოდიმირ ზელენსკის შეხვდება.
აღსანიშნავია, რომ უნგრეთმა გუშინ, ევროკავშირის თავმჯდომარეობა 6 თვით გადაიბარა. გასულ კვირას, ევროკავშირის მთავრობები გაყინული რუსული აქტივებიდან მიღებული შემოსავლის, 1.4 მილიარდი ევროს, უკრაინის სასარგებლოდ გამოყენებაზე უნგრეთის ვეტოს გვერდის ავლით შეთანხმდნენ.