იტალიის პარლამენტში დეპუტატები ერთმანეთს ფიზიკურად დაუპირისპირდნენ (ვიდეო)
იტალიის პარლამენტში დეპუტატები ერთმანეთს ფიზიკურად დაუპირისპირდნენ. როგორც იტალიური მედია იუწყება, პარლამენტარებს შორის ჩხუბი დიფერენცირებული ავტონომიის შესახებ კანონპროექტის განხილვისას მოხდა.
ზოგიერთი პარლამენტარის თქმით, „ხუთი ვარსკვლავის მოძრაობის“ დეპუტატს, ლეონარდო დონოს ფიზიკური დაპირისპირების დროს თავში ორჯერ ჩაარტყეს. საჭირო გახდა ექიმების დახმარება. ლეონარდო დონო დარბაზიდან ეტლით გაიყვანეს.