ევაკუირებულია ათიათასობით ადამიანი, არიან გარდაცვლილებიც- ბოლო ათეული წლის განმავლობაში ყველაზე საშინელი წყალდიდობები რუსეთსა და ყაზახეთში
ქალაქ ორსკში კაშხლის გარღვევის შედეგად დატბორილი რაიონებიდან, მოსახლეობის ევაკუაცია გრძელდება.
ცოტა ხნის წინ, დატბორვის გამო მუშაობა შეაჩერა ქალაქის უმსხვილესმა ნავთობგადამამუშავებელმა საწარმომ. წყლის ნაკადი ქალაქ ორენბურგსაც უახლოვდება. მოსახლეობის ევაკუაცია დაიწყო კურგანის დასახლებული რაიონებიდანაც.
ყაზახეთის ხელისუფლება აცხადებს, რომ წყალდიდობის გამო, ქვეყნის ჩრდილოეთ ნაწილის 10 რეგიონიდან ათიათასობით ადამიანის ევაკუაცია გახდა საჭირო. როგორც საგანგებო სიტუაციების სამინისტრო იტყობინება, დროებით თავშესაფარში 12 000-მდე ადამიანია მოთავსებული.