ისრაელის იერიშებს ჯამში სულ მცირე 29 313 პალესტინელი ემსხვერპლა- რას აცხადებს პალესტინის ჯანდაცვის სამინისტრო?
ახლო აღმოსავლეთში ომი გრძელდება. პალესტინის ჯანდაცვის სამინისტროს განცხადებით, გასული ღამის განმავლობაში ქალაქ რაფაჰის მიმართულების ისრაელმა მორიგი ავიაიერიშები განახორციელა, რასაც რამდენიმე ადამიანი ემსხვერპლა.
მათივე ცნობით, 2023 წლის 7 ოქტომბერს დაწყებული კონფლიქტიდან დღემდე, ისრაელის იერიშებმა სულ მცირე 29 313 პალესტინელი შეიწირა.
ისრაელის თავდაცვის ძალების ინფორმაციით, გასული ღამის განმავლობაში მათ ღაზას სექტორის ქალაქ ხან იუნისთან რამდენიმე ობიექტის დაკავება შეძლეს. ისრაელის ხელისუფლების განცხადებით, თუ „ჰამასი“ მძევლებს 10 მარტამდე არ გაათავისუფლებს, რაფაჰში სახმელეთო შეტევა დაიწყება.