ისრაელი ღაზასთან ყოველგვარ კონტაქტს წყვეტს და ქვეყანაში დასაქმებულ პალესტინელებს ღაზაში აბრუნებს
ისრაელი ღაზასთან ყოველგვარ ურთიერთობას წყვეტს და ღაზაში მცხოვრებ პალესტინელებს, რომლებიც ისრაელში სამუშაოდ იმყოფებიან, ანკლავში აბრუნებს, - ამის შესახებ ისრაელის მთავრობის პრესსამსახურის განცხადებაშია აღნიშნული.
„ისრაელი ღაზასთან ყოველგვარ კონტაქტს წყვეტს. აღარ იქნება პალესტინელი მუშები ღაზიდან. ის ადამიანები, რომლებიც ომის დაწყების დღეს ისრაელში სამუშაოდ იმყოფებოდნენ, ღაზაში დაბრუნდებიან“, - აღნიშნულია განცხადებაში.
ცნობისათვის, „ჰამასის“ მიერ 7 ოქტომბერს განხორციელებულ თავდასხმამდე, ღაზას დაახლოებით 18 000 მცხოვრებს უფლება ჰქონდა, ისრაელის ტერიტორიაზე შესულიყო და დასაქმებულიყო.