სერიალ Friends-ის ვარსკვლავი, მსახიობი მეთიუ პერი გარდაიცვალა | Allnews.Ge

სერიალ Friends-ის ვარსკვლავი, მსახიობი მეთიუ პერი 54 წლის ასაკში გარდაიცვალა.

როგორც ადგილობრივი გამოცემა The Los Angeles Times წერს, ამ დროისთვის გარდაცვალების ზუსტი მიზეზი უცნობია.

ცნობილია მხოლოდ ის, რომ მსახიობი "მცირეოდენი ფიზიკური აქტივობის შემდეგ, ლოს ანჯელესში, საკუთარ სახლში დაიღუპა".

მედია წერს, რომ ის უგონო მდგომარეობაში აბაზანაში იპოვეს.

მე­თიუ 1969 წელს, მა­სა­ჩუ­სეთ­ში და­ი­ბა­და, თუმ­ცა შემ­დეგ, სა­ცხოვ­რებ­ლად ოჯა­ხი ოტა­ვა­ში გა­და­ვი­და. და­წყე­ბით სკო­ლა­ში კა­ნა­დის ამ­ჟა­მი­ნელ პრე­მი­ერ-მი­ნის­ტრ, ჯას­ტინ ტრუ­დოს­თან ერ­თად სწავ­ლობ­და.

რო­გორც ცნო­ბი­ლია, მსა­ხი­ო­ბი წლე­ბის გან­მავ­ლო­ბა­ში ებ­რძო­და ალ­კოჰოლ­ზე და­მო­კი­დე­ბუ­ლე­ბას და სხვა­დას­ხვა დროს სა­რე­ბი­ლი­ტა­ციო ცენ­ტრშიც მკურ­ნა­ლობ­და. 2018 წელს მსა­ხი­ო­ბი 5 თვე იყო სა­ა­ვად­მყო­ფო­ში კუჭ-ნაწ­ლა­ვის პერ­ფო­რა­ცი­ის­თვის.

მას გა­უს­კდა მსხვი­ლი ნაწ­ლა­ვი და ორი კვი­რა კო­მა­ში იყო, სა­ა­ვად­მყო­ფო­ში მიყ­ვა­ნის შემ­დეგ, ექი­მებ­მა პე­რის ოჯახს უთხრეს, რომ მას გა­დარ­ჩე­ნის ორი პრო­ცენ­ტი ჰქონ­და, თუმ­ცა მა­შინ მსა­ხი­ო­ბის გა­დარ­ჩე­ნა მო­ხერ­ხდა.

მეთიუ პერის განსაკუთრებული პოპულარობა სწორედ სერიალ Friends-მა და ჩენდლერ ბინგის როლმა მოუტანა. მან სიტკომის 10 სეზონსა და 234 სერიაში ითამაშა.