იაპონიის ავიახაზმა სუმოისტებისთვის სპეცრეისი დანიშნა, რადგან შეეშინდათ, თვითმფრინავი მათი მძიმე წონის გამო ფრენას ვერ შეძლებდა
წინა კვირას, იაპონურმა ავიახაზებმა, რეისის გაფრენამდე ბოლო წუთს, სპეციალური რეისი დაამატა. შემთხვევა განსაკუთრებული იმითაა, რომ ამის მიზეზი სუმოისტთა დიდი ჯგუფი გახდა.
სუმოისტი მოჭიდავეები ტოკიოსა და ოსაკადან ამამის ეროვნულ სპორტულ ფესტივალზე დასასწრებად მიფრინავდნენ. წესით, სუმოისტთა დიდი ჯგუფი სპორტულ ფესტივალზე დასასწრებად ერთსა და იმავე რეისს უნდა გაჰყოლოდა. მაგრამ ეს შეუძლებელი აღმოჩნდა. იმის გამო, რომ სუმოისტების საშუალო წონა 120 კილოგრამია, ავიაკომპანია შეშფოთდა, რომ 165-ადგილიანი თვითმფრინავი ვერ შეძლებდა ამხელა სიმძიმით ფრენას.
იაპონური ავიაკომპანიის გამოთვლით, თითო მგზავრი, საშუალოდ, 70 კილოს იწონის.საბოლოოდ, ავიაკომპანიამ თავის 27 მგზავრს სთხოვა, რომ ახალი რეისით გაფრენილიყვნენ, იტყობინება ადგილობრივი მედია.
"სპეციალური ფრენების დანიშვნა თვითმფრინავზე წონის შეზღუდვის გამო, ჩვენთვის უკიდურესად უჩვეულოა",- განუცხადა Japan Airlines-ის სპიკერმა რეგიონულ გაზეთს.
სუმოისტები, საშუალოდ, ზრდასრულ ადამიანზე 2-3-ჯერ მეტს იწონიან, თუმცა ისინი ცხოვრების განმავლობაში სიმსუქნესთან დაკავშირებულ ჯანმრთელობის პრობლემებს არ განიცდიან.
ambebi.ge