ნიდერლანდებში გემზე, რომელსაც 3 000-ზე მეტი ავტომობილი გადაჰქონდა, ხანძარი გაჩნდა- ფოტოები შემთხვევის ადგილიდან
ნიდერლანდების სანაპიროსთან ახლოს სატვირთო გემს ხანძარი გაუჩნდა. Reuters-ის ინფორმაციით, ხანძრის გაჩენის მომენტში გემს 3 000-ზე მეტი ავტომობილი გადაჰქონდა. შემთხვევას ერთი ადამიანი ემსხვერპლა, რამდენიმე კი დაშავდა.
იქიდან გამომდინარე, რომ წყლის ჭავლის დიდმა ნაკადმა შესაძლოა გემის ჩაძირვა გამოიწვიოს, სამაშველო ჯგუფები შეფერხებით მუშაობენ. მათი თქმით, გემზე ხანძრის სრულ ლიკვიდაციას რამდენიმე დღე დასჭირდება.
გემი სახელად Fremantle Highway პანამაში იყო დარეგისტრირებული, მას ტვირთი გერმანიიდან ეგვიპტეში გადაჰქონდა. ხანძრის გამომწვევი მიზეზი უცნობია.