მაშველებმა, რომლებიც გაუჩინარებულ წყალქვეშა ნავს ეძებენ, უცნობი ობიექტიდან მომავალი ხმები დააფიქსირეს - რა ახალი ცნობები ვრცელდება "ტიტანის" შესახებ?
მაშველებმა, რომლებიც ატლანტის ოკეანში გაუჩინარებულ წყალქვეშა ნავს, "ტიტანს" ეძებენ, წყლის ქვეშ, უცნობი ობიექტიდან მომავალი ხმები დააფიქსირეს, თუმცა უცნობია წყარო, საიდანაც ეს ხმები მოდის.
ხმები იმ არეალიდან მოდის, სადაც ნავი დაიკარგა.
აშშ-ის სანაპირო დაცვის ინფორმაციით, ხმები აღიქვა კანადურმა P-3-ის ტიპის ვერტმფრენმა. მას ახლა აშშ-ის საზღვაო ძალების ექსპერტები აანალიზებენ.
დაკარგულ ნავზე ხუთი ადამიანი იმყოფება და ექსპერტთა გამოთვლით, მათ 30 საათის ჟანგბადის მარაგი ექნებათ დარჩენილი.
სამაშველო ღონისძიებები უფრო და უფრო ფართოვდება, თუმცა ამ ეტაპზე, გარდა "ამოუცნობი წყაროდან მომავალი ხმებისა“, ხელჩასაჭიდი არაფერი აქვთ.
ცნობისთვის, 19 ივნისს ცნობილი გახდა, რომ კანადაში, ნიუფაუნდლენდის სანაპიროსთან, "ტიტანიკის" ნამსხვრევების სანახავად ექსპედიციაში წასული ტურისტული წყალქვეშა ნავი გაუჩინარდა. იხილეთ სრულად