"ნახვამდის, ქემალ" - რეჯეფ თაიფ ერდოღანი ქემალ ქილიჩდაროღლუს - როგორია თურქეთის საპრეზიდენტო არჩევნების შედეგები ამ დროისთვის?
თურქეთის უმაღლესი საარჩევნო საბჭოს ინფორმაციით, ხმების 75.42%-ს შედეგად მოქმედი პრეზიდენტი რეჯეფ თაიფ ერდოღანი ლიდერობს.
საბჭოს ცნობით, ერდოღანი ხმების 53.41%-ით მის ოპონენტს ქემალ ქილიჩდაროღლუს უსწრებს, რომელსაც ხმების 46.59% აქვს.
ჩვენ ჯერ კიდევ ველოდებით ქემალ ქილიჩდაროღლუს, რომ უპასუხოს შედეგებს, რომლებიც მხოლოდ ერთი მიმართულებით მიდის - ამის შესახებ რეჯეფ თაიფ ერდოღანმა განაცხადა.
"ერთადერთი გამარჯვებული არის თურქეთი", - აღნიშნა მან მხარდამჭერებთან და მისი კონკურენტის ქემალ ქილიჩდაროღლუს მისამართით დასძინა:
"ნახვამდის, ქემალ".
BBC-ის ცნობით, ერდოღანი ასევე დაუბრუნდა თავისი საარჩევნო კამპანიის თემას და დაადანაშაულა ოპოზიციური პარტიები პროლგბტ პოლიტიკის გატარებაში. თურქეთის უმაღლესი საარჩევნო საბჭოს ინფორმაციით, ერდოღანი იმარჯვებს და ამ შედეგების მიხედვით, მეხუთე ვადით ხდება ქვეყნის პრეზიდენტი.