სანქტ-პეტერბურგში რუსი სამხედრო ბლოგერი მოკლეს - ვინ იყო ვლადლენ ტატარსკი?
რუსმა სამართალდამცავებმა რუსი სამხედრო ბლოგერის, ვლადლენ ტატარსკის მკვლელობაში ეჭვმიტანილი სანქტ-პეტერბურგის მკვიდრი, 1997 წელს დაბადებული დარია ტრეპოვა დააკავეს, - ინფორმაციას რუსული მედია ავრცელებს.
მათივე ინფორმაციით, გამოძიებას საფუძველი აქვს იფიქროს, რომ ტრეპოვამ კაფეში მიიტანა ყუთი თათარსკის ბიუსტით, რომელშიც ასაფეთქებელი მოწყობილობა იყო დამონტაჟებული.
ინფორმაცია ოფიციალურად, ჯერჯერობით, დადასტურებული არ არის.
ვინ იყო ვლადლენ ტატარსკი?
მაქსიმ ფომინი, იგივე ვლადლენ ტატარსკი 1983 წელს უკრაინის ამჟამად ოკუპირებულ ქალაქ მაკიივკაში დაიბადა. ჯერ კიდევ 2014 წლის ღირსების რევოლუციამდე ფომინი შეიარაღებული ძარცვისთვის იყო გასამართლებული. დონბასში რუსეთის შეჭრის შემდეგ, ტატარსკი ე.წ. სახალხო აჯანყების რიგებში გაწევრიანდა, საბრძოლო მეტსახელით 'პროფესორი'. ტატარსკის მეგობრების ცნობით, აღნიშნული მეტსახელი რუსი მწერლის, ვიქტორ პელევინის რომანის თაობა П-ის ერთ-ერთი გმირის გამო აიღო.
უკრაინაში რუსეთის სრულმასშტაბიანი შეჭრის შემდეგ, ტატარსკი დონბასში დაბრუნდა და Z-ბლოგერი გახდა. ტატარსკი სიუჟეტებს აკეთებდა ადგილიდან, ავრცელებდა მის პროგნოზებს საომარი მოქმდებების შესაძლო განვითარებასთან დაკავშირებით. ტატარსკი ფართო საზოგადოებამ კრემლში უკრაინის ოკუპირებული ტერიტორიების ფორმალური ანექსიის ცერემონიალზე ჩაწერილი ვიდეოთი გაიცნო. ვიდეოში ტატარსკი ყველა უკრაინელის ამოხოცვით და განადგურებით იმუქრებოდა.
ტატარსკის ტელეგრამ არხს 500 ათასი გამომწერი ჰყავდა.