სილამაზის კონკურსში "მისის სამყარო 2022" რუსეთის წარმომადგენლის გამარჯვება სკანდალად იქცა
6 თებერვალს, ბულგარეთის დედაქალაქ სოფიაში სილამაზის კონკურსი "მისის სამყარო 2022“ ჩატარდა, რომელშიც დაოჯახებული ქალები მონაწილეობენ. გამარჯვება რუსეთის წარმომადგენელმა - 34 წლის ელენა მაქსიმოვამ მოიპოვა. სოციალურ ქსელში რუსის გამარჯვებას უარყოფითი გამოხმაურება მოჰყვა. მომხმარებლები წერენ, რომ ტერორისტული სახელმწიფო დააჯილდოვეს.
"მაშინ, როდესაც რუსი ანა ლინიკოვა "მის სამყარო 2022“-დან შეშინებული დაბრუნდა, ბულგარეთში რუსეთის წარმომადგენელს გვირგვინი დაადგეს, ეს იმ დროს, როდესაც ეს ქვეყანა ყოველდღიურად ბომბავს უკრაინას", - წერს უკრაინული მედია.
"მისის სამყარო 2022“-ზე, სულ 120 ქვეყნის წარმომადგენელი მონაწილეობდა. მათ შორის იყვნენ: ჩინეთიდან, ტაილანდიდან, ფილიპინებიდან, იაპონიიდან, ინდოეთიდან, გერმანიიდან, ესპანეთიდან, აშშ-დან და სხვა ქვეყნებიდან.
34 წლის ელენა მაქსიმოვა ქალაქ იჟევსკში ცხოვრობს, ჰყავს მეუღლე და ორი შვილი. ეს პირველი შემთხვევაა, როცა "მისის სამყაროზე“ გამარჯვება რუს კონკურსანტს ხვდა წილად. რუსული დელეგაცია აღნიშნავს, რომ ბულგარეთში მათ ნორმალურად ექცეოდნენ. მაშინ, როცა ანა ლინიკოვამ განაცხადა, რომ "მის მსოფლიოს“ კონკურსზე მასთან ურთიერთობას კონკურსანტები გაურბოდნენ.
"ყველა ქვეყანა დადებითად გამოეხმაურა ჩვენს დელეგაციას. ეს ჩვენთვის ძალიან ღირებული და მნიშვნელოვანია,“ - წერენ გახარებული რუსები. იხილეთ სრულად