თურქეთში, მიწისძვრის შედეგად, 284 ადამიანი დაიღუპა, სირიაში კი, სულ მცირე, 237 - დაშავებულია ასეულობით ადამიანი, იტალია მოსახლეობას ცუნამის შესახებ აფრთხილებს
თურქეთში, მიწისძვრის შედეგად, 76 ადამიანი დაიღუპა, სირიაში კი - 40-ზე მეტი - დაშავებული ასეულობით ადამიანი, იტალია მოსახლეობა ცუნამის შესახებ აფრთხილებს (ფოტო, ვიდეო)
თურქეთში, სირიის საზღვართან დღეს დილით ძლიერი მიწისძვრა მოხდა. აშშ-ის გეოლოგიური სამსახურის ცნობით, მიწისძვრის ბიძგების სიმძლავრე 7.8 მაგნიტუდა იყო. თურქი სეისმოლოგების შეფასებით კი კი მიწისძვრის სიმძლავრე 7.4 მაგნიტუდას შეადგენდა.
თურქული მედიის ინფორმაციით, მიწისძვრის შედეგად, სულ ცოტა 284 ადამიანი დაიღუპა, - ინფორმაციას მედიასაშუალებები თურქეთის კატასტროფების სააგენტოზე დაყრდნობით ავრცელებენ.
მათივე ინფორმაციით, დაშავებულია 440 ადამიანი.
მეზობელ სირიაში სულ მცირე 237 ადამიანი დაიღუპა და 630-ზე მეტი დაშავდა, ინფორმაციას სირიის სახელმწიფო საინფორმაციო სააგენტო SANA ჯანდაცვის სამინისტროზე დაყრდნობით ავრცელებს.
თურქეთსა და სირიაში ძლიერი მიწისძვრის შედეგად დანგრეული შენობების ნანგრევებიდან ადამიანების გამოსაყვანად სამაშველო ოპერაციები გრძელდება.
სძვრის შედეგად დანგრეული შენობების ნანგრევებიდან ადამიანების გამოსაყვანად სამაშველო ოპერაციები გრძელდება.
თურქეთის შინაგან საქმეთა მინისტრის, სულეიმან სოილუს ინფორმაციით, თურქეთში მომხდარი ძლიერი მიწისძვრის შედეგად 10 ქალაქი დაზარალდა.მისი თქმით, დაზარალდა ქალაქები გაზიანთეფი, ქაჰრამანმარაში, ჰათაი, ოსმანიე, ადიამანი, მალატია, შანლიურფა, ადანა, დიარბაქირი და ქილისი.
იტალიის ხელისუფლება ქვეყნის სანაპირო რაიონებში მცხოვრებ მოსახლეობას ცუნამის პოტენციური რისკის შესახებ აფრთხილებს.
კერძოდ, მოქალაქეებს მოუწოდებენ შემაღლებულ ტერიტორიებზე გადავიდნენ და ადგილობრივი ხელისუფლებისგან დამატებით ინფორმაციას დაელოდონ.
"გეოფიზიკისა და ვულკანოლოგიის ეროვნული ინსტიტუტის ცუნამის განგაშის ცენტრის მონაცემების საფუძველზე, სამოქალაქო დაცვის დეპარტამენტმა გამოსცა გაფრთხილება 7.8 მაგნიტუდის მიწისძვრის შემდეგ, რომლის ეპიცენტრი თურქეთსა და სირიას შორის მდებარეობდა, იტალიის სანაპიროზე შესაძლო ცუნამის ტალღების შესახებ. რეკომენდებულია ზღვისპირა ტერიტორიების დატოვება, უფრო მაღალ მიმდებარე ტერიტორიაზე გადასვლა და ადგილობრივი ხელისუფლების მითითებების დაცვა“, - აღნიშნულია იტალიის ხელისუფლების მიერ გავრცელებულ განცხადებაში.
შეგახსენებთ, თურქეთსა და სირიაში დღეს მომხდარ მიწისძვრას, ამ დროისთვის არსებული ინფორმაციით, 100-ზე მეტი ადამიანი ემსხვერპლა. დანგრეულია ათობით შენობა და დაშავებულია ასობით ადამიანი.