რუსეთი ყველანაირად შეეცდება მარიუპოლში გარკვეულ წინსვლას 9 მაისამდე მიაღწიოს, რათა მეორე მსოფლიო ომში გამარჯვების დღეს სიმბოლური წარმატება აღნიშნოს- გაერთიანებული სამეფოს დაზვერვა | Allnews.Ge

რუსეთი ყველანაირად შეეცდება მარიუპოლში გარკვეულ წინსვლას 9 მაისამდე მიაღწიოს, რათა მეორე მსოფლიო ომში გამარჯვების დღეს სიმბოლური წარმატება აღნიშნოს- გაერთიანებული სამეფოს დაზვერვა

მეორე დღეა რუსული ძალები მარიუპოლში, „აზოვსტალის“ ქარხანაზე სახმელეთო შეტევას აგრძელებენ. შეტევა ხდება იმის მიუხედავად, რომ რუსეთის თავდაპირველი განცხადებით, ისინი „აზოვსტალის“ ქარხნის დახურვას შეეცდებოდნენ, - ამის შესახებ გაერთიანებული სამეფოს თავდაცვის სამინისტრო დაზვერვის განახლებულ ინფორმაციაშია აღნიშნული.

მათივე ცნობით, რუსეთი ყველანაირად შეეცდება მარიუპოლში გარკვეულ წინსვლას 9 მაისამდე მიაღწიოს, რათა მე-2 მსოფლიო ომში გამარჯვების დღეს სიმბოლური წარმატება აღნიშნოს.

„მარიუპოლში რუსეთის ძალისხმევა პერსონალის, აღჭურვილობისა და საბრძოლო მასალის დანაკარგების ხარჯზე მოხდა. სანამ უკრაინული წინააღმდეგობა გრძელდება „აზოვსტალში“, რუსული დანაკარგები კვლავ გაიზრდება“, - ნათქვამია სამინისტროს განცხადებაში.